შინაგან საქმეთა სამინისტროს აჭარის პოლიციის დეპარტამენტს, თავის ბალანსზე რიცხული სხვადასხვა მარკის ავტოსატრანსპორტო საშუალებების ტექნიკური მომსახურებისთვის 2 276 815 ლარი აქვს გათვალისწინებული.
შესაბამის ტენდერში გამარჯვებული, ხელშეკრულების გაფორმებიდან 2017 წლის 31 დეკემბრის ჩათვლით, ეტაპობრივად, მოთხოვნის შესაბამისად უნდა მოემსახუროს დეპარტამენტს.
ავტოსატრანსპორტო საშუალებათა ჩამონათვალში 17 ავტომობილი და ერთი კვადროციკლია, რომლებსაც შესაძლოა დასჭირდეს ტექნიკური მომსახურება, თუ შეკეთება.
ავტომობილების მომსახურება გაწეული უნდა იქნას დაუყოვნებლივ, რიგგარეშედ. ამასთან, მომსახურების ვადა არ უნდა აღემატებოდეს:
[checklist]
- სავალი ნაწილებისათვის – არაუმეტეს 2 კალენდარულ დღეს;
- ელექტროობისათვის – არაუმეტეს 3 კალენდარულ დღეს;
- აგრეგატებისათვის – არაუმეტეს 8 კალენდარულ დღეს;
- სათუნუქე სამღებრო სამუშაოებისათვის – არაუმეტეს 10 კალენდარულ დღეს;
- ხანგრძლივი მომსახურების (ძრავის, სიჩქარეთა კოლოფის) გაწევის დრო – არაუმეტეს 15 კალენდარულ დღეს;
- დეფიციტური სათადარიგო ნაწილებით უზრუნველყოფისას – არაუმეტეს 20 კალენდარულ დღეს;
- სხვა დანარჩენ შემთხვევებში – შემსყიდველის მიერ მითითებულ გონივრულ ვადას.
[/checklist]
მომსახურების გაწევის ადგილი: ქალაქი ბათუმი, ხელვაჩაური ან/და ქობულეთი. სატენდერო პირობების თანახმად „პრეტენდენტის ყველა სერვისცენტრი აღჭურვილი უნდა იყოს დიაგნოსტიკის აპარატით, ზეთის შემცვლელი ბალონით, განშლადობის გასასწორებელი დანადგარით, ვულკანიზაციის დანადგარით, ძრავის ამოსაღები ამწეებით, ავტო ამწეებით და მომსახურების გაწევისთვის საჭირო სხვა თანამედროვე აპარატურით და დანადგარებით“.
ამავე თემაზე:
თავარი ფოტო: პოლიციის ავტომანქანები „მათემოტორსის“ სერვისცენტრში / 18.03.2017 / ფოტო „ბათუმელების“ არქივიდან
