ბათუმის მერიამ ბარცხანაში ჭადრისა და კაკლის ხეები გაჩეხა


ბათუმში, ბარცხანის დასახლებაში, მერიის კეთილმოწყობის სამსახურმა ჭადრისა და კაკლის ხეები გაჩეხა.

„სამი ჭადარი და ხუთი კაკლის ხე მოიჭრა, როგორც კეთილმოწყობის სამსახურში გვითხრეს. ფილების დაგება და ბორდიურების მოწყობა მიმდინარეობს და ამის გამო ხდება ხეების მოჭრა. რადგან ხეები დიდი ზომისაა, გადარგვა არ მოხერხდება,“ – გვითხრეს ბათუმის მერიის გამწვანებისა და ლანდშაფტური დაგეგმარების სამსახურში.

გამწვანების სამსახურის პრესსამსახურის ინფორმაციით, ინფრასტრუქტურული სამუშაოების დასრულების შემდეგ ამ ტერიტორიაზე ახალი ნარგავები დაირგვება: „თუმცა ჯერ არ ვიცით, გამწვანების სამუშაოები როდის დაიწყება“.

ბათუმი/ნონეშვილის ქუჩა/ 6.11.2017 / გურამ მურვანიძის ფოტოები

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com