1867 წლის 20 მაისს ინგლისელმა ფილოსოფოსმა, ეკონომისტმა და პარლამენტის წევრმა, ჯონ სტიუარტ მილმა, ქალებისთვის ხმის უფლების დაკანონება მოითხოვა, რასაც თემთა პალატის დიდი წინააღმდეგობა შეხვდა. თუმცა ფემინისტების აქტიურმა მუშაობამ შედეგი გამოიღო და 1869 წელს ამერიკაში, ვაიომინგის შტატში, ქალებმა პირველად მსოფლიოში ხმის უფლება მოიპოვეს. ამერიკის შეერთებულ შტატებში 1920 წელს კონსტიტუციის შესწორების შედეგად კი სამუდამოდ დაკანონდა ქალთა უფლებები. ბევრ ქვეყანაში მოიპოვეს ქალებმა ხმის უფლება მეოცე საუკუნის დასაწყისში, თუმცა საუდის არაბეთში 2011 წლამდე ამ უფლებით ქალები ვერ სარგებლობდნენ.
1900-იანი წლების პოსტერები აჩვენებს, როგორ აღიქვამდა მამაკაცების უმეტესობა იმ პერიოდში ქალთა უფლებებს, მათი ხმის უფლებას. ქალების გააქტიურება მხოლოდ არასასიამოვნო, არამედ ძალიან სახიფათო მოვლენად მიიჩნეოდა.
პროპაგანდისტული პოსტერები ქალთა უფლებებს ოჯახური ღირებულებების დამანგრეველ მოვლენად წარმოაჩენდა. ნახატები მამაკაცების შიშს ასახახავს ქალების გააქტიურების შემდეგ.
გენდერული საკითხების მკვლევარი, ჩრდილოეთ აიოვას უნივერსიტეტის პროფესორი, კატრინ პალჩევსკი პროპაგანდისტული პოსტერების კოლექციას 15 წელი აგროვებდა. ქვემოთ ნაჩვენები პოსტერები პალჩევსკის დიდი არქივის მხოლოდ ნაწილია.
