Category Archives: მთავარი

10 ივლისიდან ბათუმი-თბილისის მარშრუტზე „მეტრო ჯორჯია“ სამგზავრო ბილეთის ღირებულებას ხუთი ლარით ზრდის, მგზავრებს 25 ლარის ნაცვლად ბილეთში 30 ლარის გადახდა მოუწევთ. კითხვაზე, რამ განაპირობა ბილეთის გაძვირება, „მეტრო ჯორჯიას“ მარკეტინგის მენეჯერი, ლაშა კენჭაძე პასუხობს, რომ კომპანია ახალი სერვისებისა და ტრანსპორტის დამატებას გეგმავს და ბილეთის ფასის გაზრდა „სერვისის გაუმჯობესებასთანაა დაკავშირებული“. იგი არ აკონკრეტებს, კონკრეტულად რა ახალ სერვისს შესთავაზებს „მეტრო ჯორჯია“ მგზავრებს …

Continue reading “„მეტრო ჯორჯია“ ბათუმი-თბილისის მარშრუტზე მგზავრობას აძვირებს”

პარლამენტმა „საჯარო სამსახურის შესახებ“ საქართველოს კანონში ცვლილებები შეიტანა. ამ ცვლილებებით, 2017 წლის 1-ელი ივლისიდან 2017 წლის 31 დეკემბრამდე პერიოდი ჩაითვალა გარდამავალ პერიოდად, რა დროშიც ახალი კანონმდებლობის გარკვეული მოთხოვნები, რომლებიც 1-ელი ივლისიდან ამოქმედდება, საჯარო მოხელეებზე 2018 წლამდე არ გავრცელდება. ასეთია, მაგალითად, კანონი, რომელიც შრომის ანაზღაურების [ხელფასი, დანამატი, პრემია] გაცემის მოქმედ წესს საჯარო სამსახურებში 1-ელი ივლისიდან ფაქტობრივად აუქმებს.  ხელისუფლების …

Continue reading “რა წესით გაიცემა ხელფასები საჯარო სამსახურებში 1-ელი ივლისიდან”

„აჭარის ფერები“ – ასე ჰქვია ახალ ვიდეოკლიპს, რომელიც აჭარის ტურიზმის დეპარტამენტის დაკვეთით გადაიღო სარეკლამო კომპანია JWT METRO-მ. კლიპისათვის აჭარის ტურიზმისა და კურორტების დეპარტამენტმა კომპანიას 125 000 ლარი გადაუხადა გამარტივებული შესყიდვით. დეპარტამენტის შეკვეთით კიდევ ერთი ახალი კლიპი – „მწვანე აჭარა“ გამოვიდა, რომლის მოსამზადებლადაც ტურიზმის დეპარტამენტმა 35 000 ლარი გადაიხადა. ვიდეორგოლი სარეკლამო კომპანია LOOK PRODUCTION-მა გადაიღო. აჭარის ტურიზმის დეპარტამენტის …

Continue reading “კლიპები აჭარაზე, რომლებიც „ბიბისიზე“ და „ევრონიუსზე“ გავა”

უახლოეს დღეებში ბათუმში უნალექო ამინდია მოსალოდნელი. გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, ხვალ, პირველ ივლისს, ჰაერის ტემპერატურა სანაპირო რაიონებში დღისით 25-30, ღამით კი 20-25 გრადუსი იქნება.  მთაში – დღისით 23-28 და ღამით 10-15 გრადუსი ტემპერატურაა მოსალოდნელი. მომდევნო ორი დღის განმავლობაში ჰაერის ტემპერატურა ორი-სამი გრადუსით მოიმატებს. სინოპტიკოსების ინფორმაციით, ზღვის წყლის ტემპერატურა ამჟამად 23,5  გრადუსია.

დღეს, 29 ივნისს, ზღვაში მოზარდი დაიხრჩო. ბათუმის სასწრაფო სამედიცინო დახმარების სამსახურის ინფორმაციით: „15 წლის გოგოს ცხედარი მაშველებმა ბათუმში, ნაპირზე კატერით გამოიტანეს, საიდანაც სასწრაფო დახმარების ბრიგადამ ის პროზექტურაში გადაიტანა.“ ჩვენი ინფორმაციით, მოზარდი საბანაოდ დაბა ჩაქვის მიმდებარე ტერიტორიაზე იმყოფებოდა.  

საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის, ნიკოლოზ ანთიძის ბრძანებით, ბორჯომ-ბაკურიანის რკინიგზას კულტურული მემკვიდრეობის უძრავი კომპლექსური ძეგლის სტატუსი მიენიჭა. კომპლექსში შემავალი ობიექტებია: ბორჯომ-ბაკურიანის სარკინიგზო ხაზი; ასევე რკინიგზის სადგურები: ბორჯომი, დაბა, წაღვერი, ცემი, ტბა, ლიბანი, საკოჭავი, ბაკურიანი; წაღვერი-ცემის სარკინიგზო ხიდი და პორტერის ტიპის ორთქლმავალი. ძეგლის სახეობა: საინჟინრო-არქიტექტურის-მეცნიერების, ტექნიკისა და მრეწველობის განვითარებასთან დაკავშირებული; რკინიგზის ხაზის მშენებლობა: 1897-1906 წ.  

„ენერგო-პრო ჯორჯია“-ს ინფორმაციით, ხვალ, 30 ივნისს, 03:00-დან 06:00 საათამდე, ქსელის გეგმიური სარეაბილიტაციო სამუშაოების გამო, ელექტროენერგიის მიწოდება შეეზღუდება „ენერგო-პრო ჯორჯია“-ს აბონენტების ნაწილს ბათუმში, კერძოდ 2570 აბონენტს – მაიაკოვსკის, თაბუკაშვილის და წერეთლის ქუჩებზე. ასევე ფერიის და სალიბაურის დასახლებებში.   იმავე სარეაბილიტაციო სამუშაოების გამო, 05:00-დან 08:00 საათამდე ელექტროენერგიის მიწოდება შეეზღუდება 516 აბონენტს გონიოსა და კვარიათშიც.

შპს „ექსელენტ დეველოპმენტი“ ბათუმში, დემეტრე თავდადებულის #35-ში და მის მიმდებარედ არსებული ორსართულიანი შენობების ხარჯზე ახალი კვარტალის მშენებლობას გეგმავს. ამის თაობაზე ადგილზე მცხოვრებლებს კომპანიის მფლობელი და დირექტორი გელა მახარაძე ესაუბრა და მათ საკუთრების დათმობის სანაცვლოდ ახალაშენებულ კორპუსში ბინები შესთავაზა. გელა მახარაძე, ვიდრე ბიზნესში გადავიდოდა, წლების განმავლობაში, აჭარის პროკურატურაში, ანტიკორუფციული საგამოძიებო ნაწილის უფროსი გამომძიებელი იყო და მძიმე დანაშაულებს …

Continue reading “ყოფილი პროკურორი გელა მახარაძე ბათუმში კვარტალის გაშენებას გეგმავს”

ვენეციის კომისიის თავმჯდომარესთან, ჯანი ბუკიკიოსთან შეხვედრის შემდეგ საქართველოს პრეზიდეტმა, გიორგი მარგველაშვილმა, ჟურნალისტებს უთხრა, რომ საკონსტიტუციო ცვლილების მიღების პროცესი უნდა შეჩერდეს. „საერთაშორისო საზოგადოებას და ქართულსაც, ვერაფერს გამოაპარებ. დღეს ჩვენ ყველანი ვართ ჩიხურ სიტუაციაში. ვფიქრობ, რომ არ უნდა შეჩერდეს  დემოკრატიის განვითარება, სხვანაირად უნდა შევაფასოთ ეს ვითარება. ეს პროცესი აზიანებს ქვეყნის დემოკრატიულ იმიჯს. ამიტომ ეს პროცესი უნდა შეჩერდეს …

Continue reading “პრეზიდენტი: კონსტიტუციის შეცვლის პროცესი უნდა შეჩერდეს”

„ძალიან, ძალიან იმედგაცრუებული ვარ. მე ვიგულისხმე ის, რომ ქართული პოლიტიკური კულტურის განვითარების მიმართ არსებობდა სხვა მოლოდინი. სამწუხაროდ, ეს უკვე კრიზისია,“ – ასე უპასუხა ჯანი ბუკიკიომ, ევროსაბჭოს ვენეციის კომისიის თავმჯდომარემ „ბათუმელების“ კითხვას იმედგაცრუების კონტექსტზე. გუშინ ჯანი ბუკიკიომ თქვა, რომ ის იმედგაცრუებულია საკონსტიტუციო ცვლილებებით. დღეს, განათლების მინისტრმა და პრემიერის მოადგილემ, ალექსანდრე ჯეჯელავამ განაცხადა, რომ მედიამ გააშუქა არასწორი …

Continue reading “ჯანი ბუკიკიო ჯეჯელავას განცხადებაზე: ძალიან, ძალიან იმედგაცრუებული ვარ”

ბათუმში ევროპის საკონსტიტუციო სასამართლოების მე-17 კონგრესი მიმდინარეობს. ღონისძიების გარკვეული ნაწილი მედიისთვის დახურულია. რა საკითხები განიხილება კონგრესის დახურულ ნაწილში? – კითხვა „ბათუმელებმა“ ზაზა თავაძეს დაუსვა, საკონსტიტუციო სასამართლოს თავმჯდომარეს. ზაზა თავაძის განმარტებით, დახურულ ნაწილში განიხილავენ კოსოვოს და ყაზახეთის ასოცირებული წევრობის ნაწილს. საუბარია ევროპის საკონსტიტუციო სასამართლოების ასოციაციის წევრობაზე. გარდა ამისა, ასოციაციის წევრებმა კენჭისყრით უნდა შეარჩიონ ქვეყანა, რომელიც მომავალ …

Continue reading “რა განიხილება ევროპის საკონსტიტუციო სასამართლოების კონგრესის დახურულ ნაწილზე”

„კონსტიტუცია, პირველ რიგში, არის ფასეულობები, დაწერილი და დაუწერელი პრინციპების დაცვა. კონსტიტუცია გამოხატავს ღირებულებებს,” – ამ სიტყვებით გახსნა ევროპის საკონსტიტუციო სასამართლოების მე-17 კონგრესი ბათუმში ჯანი ბუკიკიომ, ევროსაბჭოს ვენეციის კომისიის თავმჯდომარემ. საქართველოს საკონსტიტუციო სასამართლო ამ კონგრესის თავმჯდომარეა 2014 წლიდან. საქართველო ერთადერთი ევროკავშირის არაწევრი ქვეყანაა, რომელიც ავსტრიაში კონგრესის თავმჯდომარედ აირჩიეს სამი წლის ვადით. კონგრესი 29 ივნისიდან პირველ ივლისამდე …

Continue reading “ბათუმში ევროპის საკონსტიტუციო სასამართლოების კონგრესი მიმდინარეობს”

ბათუმში ევროპის საკონსტიტუციო სასამართლოების მე-17 კონგრესი გაიხსნა. კონგრესის გახსნამდე, ვენეციის კომისიის თავმჯდომარეს, ჯანი ბუკიკიოს პრემიერი გიორგი კვირიკაშვილი და პარლამენტის თავმჯდომარე შეხვდნენ. „ჩვენ გავაკეთეთ ძალიან მნიშვნელოვანი პოლიტიკური კომპრომისი და ახლა მნიშვნელოვანია, ოპოზიციამაც შეხედოს ამ კომპრომისებს, როგორც მნიშვნელოვან მიღწევას,“ – აღნიშნა შეხვედრიდან გამოსულმა გიორგი კვირიკაშვილმა. მან არ დააკონკრეტა, რა იგულისხმება ხელისუფლების მხრიდან კომპრომისში. „მე მადლობა გადავუხადე ვენეციის …

Continue reading “რა თქვა პრემიერმა ბუკიკიოსთან შეხვედრის შემდეგ”

გამოვიდა ჟურნალ „ბათუმელების“ ივნისის ნომერი. ჟურნალს დღეიდან, 29 ივნისიდან, მიიღებენ „ბათუმელების“ ხელმომწერები. ასევე, ჟურნალი იყიდება „ბიბლუსის“ წიგნის მაღაზიათა ქსელში, საგაზეთო ჯიხურებსა და სტელაჟებზე. ფოკუსი თემაზე: საქართველოს პოლიტიკური ფერისცვალება ავტორი: ლეილა მუსტაფაევა პოლიტიკა: პრეზიდენტი ტრამპი და საქართველო ავტორი: დათო ქოქოშვილი საზოგადოება: შტატგარეშე – იუსტიციის სამინისტროს იაფი მუშახელი ავტორი: ჯაბა ანანიძე ადამიანის უფლებები: „ხომ არ დაუკავებიათ თქვენი შვილი საქართველოში?“ …

Continue reading “ჟურნალ „ბათუმელების“ ივნისის ნომერი [ანონსი]”