Category Archives: სიახლეები

ნათია ზოიძე

 

კოალიცია „ქართული ოცნების“  ბათუმის ოფისში უკანონოდ შესახლებულ მოქალაქეებთან დაკავშირებით საგანგებო განცხადება გააკეთეს.

 

 ლელა დუმბაძე 

 

სტუდენტი გიორგი გიორგაძე ხმის მისაცემად თბილისად ბათუმში საგანგებოდ ჩამოვიდა, თუმცა მის ნაცვლად ბათუმის 31-ე საარჩევნო უბანზე არჩევანი უკვე გაკეთებული იყო. როგორც სტუდენტის დედა აცხადებს, მისი შვილის ნაცვლად ვიღაცამ ხმა გაყალბებული პასპორტით მისცა: „ალბათ ვიღაცამ გადაწყვიტა, რომ რადგან თბილისში სწავლობდა, აღარ ჩამოვიდოდა ბათუმში ხმის მისაცემად“.

 

 

19:49  ბათუმის N29-ე უბანზე ამ დროისათვის 6 საჩივარია დაწერილი. ექვსივე მათგანი სხვის ნაცვლად ხმის მიცემით ფაქტს შეეხება. ამ უბანზე ასევე ადგილი ჰქონდა  გადასატანი ყუთის დაგვიანებით გატანასდა საარჩევნო ბიულეტენების გაცემის ფაქტებს ყუის ჩამოხევისა და რეგისტრატორის ხელმოწერის გარეშე.  

 

18:40  ბათუმში, N17-ე უბანზე სხვადასხვა დროს მისულ 10 ამომრჩევლებს ხმის მიცემის უფლება არ მიეცათ. მოქალაქეები: თეიმურაზ ტუღუში, აკაკი მიქაძე, რობერტ ესოიანი, ბესო ხომერიკი , ირაკლი კეჭაყმაძე , ზვიად მალაყმაძე, არტურ მარკოსიანი, გარსევან ჯორბენაძე, ზაზა სარიშვილი, მამუკა თურმანიძე აცხადებენ, რომ მათი ხმა გააყალბეს. რომ საარჩევნო უბანში მისულებს მათი სახელის და გვარის გასწვრივ ხელმოწერები დახვდათ. 

 

17:16 ბათუმის N58 – ე უბანზე მისულ ამომრჩეველს, მიხეილ გაბაიძეს ხმის მიცემის უფლება შეეზღუდა. სააარჩევნო უბანში ამავე სახელი და გვარით 12 საათამდე იყო გამოცხადებული პირი და მიცემული ჰქონდა ხმა. ფაქტზე ახალგაზრდა იურისტთა ასოციაციის დამკვირვებელმა საჩივარი დაწერა. აღნიშნულ უბანში 3 საათისთვის 560 ამომრჩეველმა მისცა ხმა. უბანში 1324 ამომრჩეველია რეგისტრირებული.

 

ბათუმის 31 – ე უბანზე მისულ ამომრჩეველს, გიორგი გიორგაძეს ბიულეტენი არ მისცეს. მისი სახელით და გვარით უკვე ხმა ჰქონდათ მიცემული. ამომრჩევლის დედა აცხადებს, რომ მისი შვილი სტუდენტია, თბილისში სწავლობს და როგორც ჩანს, ვიღაცამ გადაწყვიტა რომ არ ჩამოვიდოდა და გაყალბებული პასპორტით ისარგებლა.

ამ უბანში სიით 1463 ამომრჩეველია რეგისტრირებული. უბანში 1350 ბიულეტენი აქვთ მიღებული. 12 საათზე – 339 ამომრჩეველს, ხოლო 5 საათისთვის 709 ამომრჩეველს ჰქონდა ხმა მიცემული.

 

16:52  ბათუმის N94-ე და N87-ე უბნებზე „ქართული ოცნების“ კოორდინატორმა დააფიქსირა ფაქტი, როცა ერთი და იგივე ამომრჩეველი ერთმანეთის ახლოს მყოფ უბნებზე აძლევდა ხმას. პირადობის მოთხოვნის შემდეგ ამომრჩეველმა დატოვა უბანი.

 

16: 49 ბათუმის N63-ე უბანზე, სადაც 1514 ამომრჩეველმა უნდა მისცეს ხმა, უბნის კომისიის თავმჯდომარემ 14:45 წუთზე მოითხოვა კენჭისყრის შეჩერება იმ მიზეზით, რომ ხმები უნდა დაეთვალა და  ოლქისთვის გადაეცა ინფორმაცია. მედია მონიტორების მიერ გაცემული იქნა შენიშვნა, რის საფუძველზეც გაგრძელდა ხმის მიცემის პროცესი. აღნიშნულ უბანზე ერთ-ერთ რეგისტრატორს გაუთავდა მელანი, რამაც დროებით შეაჩერა მუშაობა. 12 საათისთვის N63-ე უბანზე 310 ამომრჩეველს ჰქონდა ხმა მიცემული. აქ 164-ით ნაკლები ბიულეტენი მივიდა.

 

 16:45  ბათუმის 105-ე უბანში სიით 1229 ამომრჩეველია რეგისტრირებული. ამ უბანში ძალოვანი სტრუქტურის წარმომადგენლები აძლევენ ხმას. განსხვავებით სხვა უბნებიდან, აქ არ არის ბიულეტენის ნაკლებობა. პირიქით, უბანზე 21 ბიულეტენით მეტია შეტანილი. 12 საათისთვის ამ უბანზე  397 ამომრცეველს ჰქონდა უკვე ხმა მიცემული.

 

15:41 ქედაში, სოფელ ორცვაში ნაციონალური მოძრაობის და ქართული ოცნების დამკვირვებლებს შორის ხმაურიანი დაპირისპირება დაფიქსირდა. ნაციონალური მოძრაობის დამკვირვებელი არჩევნებზე მოსული მოქალაქეების აღრიცხვას აწარმოებდა რაც გააპროტესტა ქართული ოცნების დამკვირვებელმა. კამათი კენჭისყრის ოთახში საათობით გრძელდებოდა. აღნიშნულ უბანში 301 ამომრჩეველია სიაში. ამ დროისთვის ხმა მიცემული აქვს 205 მოქალაქეს.

 

14:45 ხმაურია ბათუმის N94 უბანზე. „ქართული ოცნების” კოორდინატორი ამტკიცებს, რომ უბანზე ხმა მისცეს პირებმა, რომლებიც სიაში არ არიან. თავმჯდომარე ამას კატეგორიულად უარყოფს. უბნის წევრები საკითხს ხმამაღლა განიხილავენ. 

 

 

14:41 ბათუმის 23-ე უბანზე ყალბი პასპორტებით ხმის მიცემა დაფიქსირდა. სამი მოქალაქე ხმის მისაცემად როცა მოვიდა უბანზე ამომრჩეველთა სიაში მათ გასწვრივ ხელი უკვე მოწერილი იყო და ბიულეტენი გაცემული. აღნიშნულ ფაქტთან დაკავშირებით ახალგაზრდა იურისტთა ასოციაციის მიერ 1 გაფრთხილება გაიცა და 2 საჩივარი დაიწერა. ამ უბანზე 2 საათისთვის 460 ამომრჩეველმა მისცა ხმა.

ამ უბანში 1231 ამომრჩეველია სიაში.

 

13:43 ბათუმის N29 უბანზე გადასატან ყუთთან დაკავშირებით შეიქმნა ინციდენტი. კერძოდ, ერთ-ერთმა მოქალაქემ, რომელმაც გადასატანი ყუთის საშუალებით მისცა ხმა, ხმის მიცემისას შემოხაზა სასურველი კანდიდატი, სხვა დანარჩენი კი  გადახაზა. მისი ოჯახის წევრების თქმით, კომისიის წევრმა, რომელიც ახლდა გადასატან ყუთს, მას უთხრა, რომ მისი ხმა არ ჩაითვლებოდა, რადგან ყველა არასწორად შეავსო ბიულეტენი. N29 უბანზე ამ წუთებში ამომრჩევლის ოჯახის წევრები იმყოფებიან და განცხადების დაწერას აპირებენ.

 

 

 13:35 ხულოს N9 -ე  უბანზე მარკირების შემოწმებისათვის  განკუთვნილი დეტექტორის ნაცვლად გამოიყენებოდა სხვა სახის ფარანი. ახალგაზრდა იურისტთა ასოციაციის დამკვირვებელმა აღნიშნული პროცესის აღმოფხვრამდე მოითხოვა ხმის მიცემის პროცესის შეჩერება. საჩივარი დაიწერა აღნიშნულ ფაქტზე,  მოთხოვნა არ გაიზიარა კომისიის თავმჯდომარემ,   გრძელდება ხმის მიცემა.

 

 13:29  ბათუმის N107-ე უბანზე ხმას აძლევენ სახელმწიფო, სასაზღვრო და სანაპირო დაცვის თანამშრომლები. სიაში  622 ამომრჩეველია. უბანზე 28 ბიულეტენით მეტი მიიღეს. ამომრჩეველი ხმის მისაცემად ჯგუფურად მოდის. 12 საათისთვის 50%-ზე მეტს, 357ამომრჩეველს ხმა უკვე მიცემული ჰქონდა.

 

 

12:39 ბათუმის და ახლადშემოერთებული ტერიტორიების საარჩევნო უბნებთან შეიმჩნევა კოორდინატორების გააქტიურება. N30 უბანთან დგას თეთრი ფერის ჯიპი, სადაც კოორდინატორი, რომელიც „ბათუმელების” რეპორტიორს ირაკლი ბოლქვაძედ გაეცნო, არ ასახელებს, კონკრეტულად რომელ პოლიტიკურ პარტიას წარმოადგენს. 

 

 ასევე, „შკოდას” მარკის ავტომანქანა მივიდა შარაბიძეების სკოლაში მდებარე საარჩევნო უბანთან, კომისიის თავმჯდომარე უბნიდან გაიყვანეს და ესაუბრებიან. 

 

12:36 ბათუმის N63-ე უბანზე უმაღლესი საბჭოს მაჟორიტარების ბიულეტენებზე 5 ნომრის გასწვრივ მკაფიოდ შეინიშნებოდა ხაზი.

„ახალგაზრდა იურისტთა ასოციაცია“ აცხადებს, რომ შესაძლოა ეს იყოს ბეჭდვის წუნი, მაგრამ ეს ფაქტი არის უკვე დავის საგანი და იწერება საჩივარი.

ასევე ბათუმის მე-5 უბანზე ამომრჩეველს შეეზღუდა ხმის მიცემის უფლება. უბანზე მისულ ამომრჩევლის სახელისა და გვარის გასწვრივ დაფიქსირებული იყო ამომრჩევლის ხელმოწერა და გაცემული იყო ბიულეტენი. მომხდარ ფაქტზე დაიწერა აქტი.

 

11:53   ბათუმის  N52 უბანზე 115 ბიულეტენით ნაკლები მიიღეს. 

 

 11:41 როგორც „ბათუმელების” კორესპოდენტი გვატყობინებს, N29-ე უბანთან სიებით ხელში დგანან ადამიანები, რომლებიც ამბობენ, რომ კოორდინატორები არიან, თუმცა არ აზუსტებენ, რომელ პარტიას წარმოადგენენ. ისინი ეზოს არ ტოვებენ და ხშირად ესაუბრებიან კომისიის წევრს ნაციონალური მოძრაობიდან, მურმან ბოლქვაძეს. 

 

 

11:33  ბათუმის 23 უბანი:  უბანი 15 წუთით ადრე გაიხსნა. მიეცა შენიშვნა.

 

ბათუმის მე-17 უბანი:   ერთი ამომრჩეველი პოლიციის ფორმით და იარაღით შევიდა უბანში ხმის მისაცემად.  მიეცა შენიშვნა. იარაღი ამომრჩეველმა „ნაციონალური მოძრაობის“ დამკვირვებელს გადასცა, რომელმაც უბნიდან გარეთ გამოიტანა იარაღი.

 

11:32 ფოთის მე-19 უბანში ამომრჩეველის კაბინაში დაფაზე 5- იანი შემოხაზული.  

 

10:57 ამ დროისათვის სოფელ შარაბიძეების ერთ საარჩევნო უბანში ხმა მისცა 216 ამომრჩეველმა. 

 

10:43 ახალგაზრდა იურისტთა ასოციაციის განცხადებით 8 საათისთვის აჭარაში  ყველა უბანი გახსნილი იყო.  ამ დროისათვის კი ბათუმის საარჩევნო უბნებში უკვე ამომრჩეველთა რიგებია. „ბათუმელების” კორესპოდენტი გვატყობინებს, რომ N30-ე უბანზე 5 წუთში 4 ადამიანი აძლევს ხმას.

 

10:39 ბათუმის ნომერ 29-ე უბანზე 100-ით ნაკლები ბიულეტენია. 

 

 

 10:00 ბათუმში, #30-ე უბანზე საჭიროზე 476 ბიულეტენით ნაკლებია. ამ უბანზე 1469 ამომრჩეველი აძლევს ხმას. 

ამ უბანზე გადასატანი ყუთს, რომლითან 20 ამომრჩეველმა უნდა მისცეს ხმა, 22 ბიულეტენი გაატანეს, იმ მოსაზრებით, რომ ორი ბიულეტენი შესაძლოა დაზიანდეს. „ახალგაზრდა იურსტთა ასოციაციამ” საჩივარი დაწერა იმის თაობაზეც, რომ სპეციალურ სიაში მითითებული არ არის გადასატანი ყუთით მოსარგებლე ამომრჩევლების ტელეფონის ნომრები.

ბიულეტენების ნაკლები რაოდენობაა ბათუმის #17 უბანზე. ამ უბანზე დაახლოებით 140-ით ნაკლები ბიულეტენი მივიდა. აქ ბიულეტენის ჩასადები კონვერტები არ დაუთვლიათ და აცხადებენ, რომ მიღების ფურცელზე დაფიქსირებულია 1343, მაშინ როცა უნდა მისულიყო 1442.

დაახლოებით 97 ბიულეტენით ნაკლები მივიდა ბათუმის 58 უბანზე.

ხულოს მეათე უბანზე, სადაც 682 ამომრჩეველია, მივიდა 650 ბიულეტენი.

ასევე, ბიულეტენების ნაკლებობა დააფიქსირეს ფოთის 22,18,23,19 უბნებში „ახალგაზრდა იურისტთა ასოციაციის“ დამკვირვებლებმა. 

 

9:35 #87 უბანზე, სადაც 1378 ამომრჩეველია რეგისტრირებული, ბულეტენების რაოდენობა 78 -ით ნაკლებია. ამის შესახებ „ბათუმელების” კორესპოდენტს ადგილზე მყოფმა „საერთაშორისო გამჭვირვალობის“ დამკვირვებელმა განუცხადა, რომელიც საჩვარს წერს.  

 

 

9:20 დილიდან მაღალია ამომრჩევლის აქტივობა ბათუმში. #29, #39, #87, #52 უბნებზე რიგებია და ამომრჩეველს ნახევარი საათით უწევს ლოდინი ხმის მისაცემად.  

 

 #29-ე უბანზე „ქართული ოცნების“ დამკვირვებლები უბანზე ვერ შევიდნენ. მათ აკრედიტაცია გაიარეს, მაგრამ ცესკომ აკრედიტაციის გამოგზავნა დააყოვნა. ამ წუთებშიც ცესკო მათ პასუხობს, რომ აკრედიტაცია გამოგზავნილია და მალე მიიღებენ.  

 

batumelebi.ge მთელი დღის მანძილზე მოგაწვდით ინფორმაციას აჭარაში და ბათუმში არჩევნების მიმდინარეობის შესახებ.  

 

 

 

 

დღეს ნაციონალური მოძრაობის შეხვედრაზე მიმავალი მიკროავტობუსი ხელვაჩაურში, სოფელ კახაბერთან ორ მსუბუქ ავტომობილს შეეჯახა. შეჯახების შედეგად  სხეულის მსუბუქი დაზიანება მიიღო 9 მგზავრმა. როგორც ბათუმის რესპუბლიკურ საავადმყოფოში  „ბათუმელებს“განუცხადეს, საავადმყოფოში სასწრაფოს მიერ პირველადი დახმარების გასაწევად 6 მგზავრი მიიყვანეს.  მოგვიანებით კიდევ სამი მგზავრი თვითონ მივიდა.

 

„სტაციონარში არცერთი მგზავრი არ მოგვითავსებია. გაკეთდა გამოკვლევა,  კონსულტაციები. მგზავრებს აღენიშნებოდათ სხეულის სხვადასხვა ადგილის დაზიანებები. დაჟეჟილობები, მძიმედ არცერთი არ ყოფილა,“ – უთხრა „ბათუმელებს“, რესპუბლიკური საავადმყოფოს მორიგე ტრავმატოლოგმა შოთა ბერიძემ.

 

ავარიის გამომწვევი მიზეზი ამ დროისთვის უცნობია. 

 

<!** Image 1 align="middle" width="600" height="554" >

ლელა დუმბაძე

 

კომპანია „დექსუსის“ მიერ უსახლკაროდ დატოვებულმა 60-მა ოჯახმა, საპროტესტო აქცია დღეს „ნაციონალური მოძრაობის“ ოფისთან გამართა. „ამ უსამართლობას როდის მოეღება ბოლო?“, „დავიღალეთ ტუილებით, გაგვეცით პასუხი“ – ამ მოთხოვნებით იდგნენ დაზარალებულები პარტიის ოფისთან. უბინაოდ დარჩენილი ადამიანები პრეტენზიებს კომპანიასთან ერთად ქალაქის მერიას და საკრებულოსაც უყენებენ.

„მე ვარ დევნილი აფხაზეთიდან, წელიწადში ერთხელ ჩავდივარ და შორიდან ვუყურებ ჩემს ბინას, ვტირივარ და აქაც იგივე სიტუაციაა. აფხაზებსა და მერიას შორის არის რაიმე სხვაობა? მე ვერ ვხედავ თქვენს შორის სხვაობას. აქაც წამართვეს და იქაც“-ამბობს საპროტესტო აქციის ერთ-ერთი მონაწილე, რაზეც გიორგი კირთაძე პასუხობს: „ჩემსა და რუსს შორის თუ განსხვავებას ვერ ხედავთ, ბოდიში, მაგრამ ვერ დაგეხმარები“. 
საკრებულოს თავმჯდომარემ აქციის მონაწილეებს სასამართლოსკენ მიუთითა: „მე თქვენს ადგილზე სასამართლოში წავიდოდი“-უთხრა მან დაზარალებულ ადამიანებს.

 

 „არ არის სასამართლო, სად წავიდეთ“ – პასუხობენ დაზარალებულები.

 

„თქვენ მოდიხართ და მე მთხოვთ ბინებს, მე ვერ მოგცემთ. მოვიდეს თქვენი იურისტი და მითხრას მე რა შემიძლია გავაკეთო და გავაკეთებ“-ეუბნება კირთაძე.

 

60-მდე ოჯახი, რომელიც კომპანიამ ბინების გარეშე დატოვა, საცხოვრებელს ბათუმში, ხიმშიაშვილისა და ბაგრატიონის ქუჩების კვეთაში მდებარე მშენებარე სახლში ელოდებოდა. მოსახლეობის კუთვნილი ბინები კი კომპანიამ ბათუმის მერიას საბინაო ფონდის ფარგლებში გადასცა. მერია აცხადებს, რომ დაზარალებული პირები ფულს „დექსუს“ უხდიდნენ და შესაბამისად, პასუხიც კომპანიას უნდა მოთხოვონ. 

 

ეს პირველი საპროტესტო აქცია არ არის, რომელსაც ბინის გარეშე დარჩენილი ადამიანები მართავენ. ერთი თვის მანძილზე მათ აქცია გამართეს მშენებარე სახლთან, სადაც მათ ბინები უნდა მიეღოთ, ასევე, აჭარის მთავრობის შენობასთან. 

 

„ცენტრ პოინტი ჯგუფს” 2010 წლდან კომპანია „დექსუსი” მართავს. აქ ამბობენ, რომ კომპანია არსებული სიტუაციიდან გამოსავალს ეძებს. „ამ ადამიანებს ვთავაზობთ სხვადასხვა კომერციულ ფართობს და სხვადასხვა ობიექტებში გადასვლას. ისინი, ვისაც აქვს სრული დაფარვა, მიიღებენ ალტერნატიულ ფართობს, ხოლო დანარჩენები გადანაწილდებიან სხვადასხვა ობიექტებში. ანუ ჩვენ ვთავაზობთ მათ ბათუმის მაგნოლიაში კომერციულ ფართობს და ასე შემდეგ. დიდი იმედი მაქვს, რომ გამოსავალი იქნება. საბოლოო ჯამში მიხვდებიან, რომ გამოსავალი აქციის ფორმა არ არის, არამედ არის ის, რასაც ჩვენ ვთავაზობთ,“ – განაცხადა „ბათუმელებთან“ კომპანია „დექსუსის“ პიარმენეჯერმა ნატა თოფურიამ.

თანხა, რომელიც აქციის მონაწილეებმა „ცენტრ პოინტს” გადაუხადეს დაახლოებით 800 ათას დოლარს შეადგენს.  

 

<!** Image 1 align="middle" alt="საპროტესტო აქცია „ნაცმოძრაობის“ ოფისთან" sub="საპროტესტო აქცია „ნაცმოძრაობის“ ოფისთან" width="400" height="525" > 

 

 

 ლელა დუმბაძე

 

პარტია „თავისუფალი საქართველოს„ ბათუმის მაჟორიტარობის კანდიდატი რამინ პაპიძე აცხადებს, რომ მას არც მაქვს შესაძლებლობა წარსდგეს ამომრჩევლის წინაშე დებადების ფორმატში, რომელიც „ტელეარხი 25“ -ისა და აჭარის ტელევიზიის ეთერში იმართება. „მე ვაცხადებ, რომ ეს არის ჩემი დისკრიმინაცია, რადგან მე, როგორც საარჩევნო სუბიექტს, არ მეძლევა შესაძლებლობა დებატების ფორმატში წარვსდგე ამომრჩევლის წინაშე“ – აცხადებს დეპუტატობის კანდიდატი.   

 14:51 მამა თეიმურაზი: „კრიტიკულ მომენტებში ყოველთვის ახალგაზრდები იცავენ ქვეყანას, ეს ასე იყო და ასე ხდება. ჩვენ თქვენთან ვართ, არაფრის შეგეშინდეთ, ვერავინ ვერაფერს ვერ გიზამთ, თუ პრობლემას არ გაექცევით და საღ აზრს გამოთქვამთ, ბოროტებს დაამარცხებთ. თქვენ ხართ ხვალინდელი დღე და თქვენ უნდა გააპროტესტოთ ის, რაც არ მოგწონთ. ჩვენ აქ ვართ, რომ დაგიცვათ პროვოკაციისგან”. 

 

14:46 სტუდენტები გუშინწინ დაკავებული დაჩი ცაგურიასა და ბექა ალადაშვილის გათავისუფლებას ითხოვენ. 

 

14:14 აქციას შეურთდნენ ბათუმის ხელოვნების ინსტიტუტის სტუდენტებიც ტრანსპარანტებით: „ნუ მაწამებ”, „არა ძალადობას”. 

 

 14:11 “ბაჩო ახალაიას და მისი ჯალათების ადგლი არის ციხეში” – ბათუმელი სტუდენტებმა ერთწუთიანი „ანტიდუმილის“ აქცია გამოაცხადეს. ისმის გაბმული სტვენა. 

 

 13:53 „თვალში ნაცარს ნუ გვაყრიან, ჩვენ ვგმობთ იმ ტყუილებს, რაც ვრცელდება ტელევიზიით, ესაა დაცინვა, თითო ოროლა ადამიანის დასჯით ვერ გაააჩერებენ ძალადობას, ჩვენ ვგმობთ ძალადობას” – ამბობენ სტუდენტები. ამ წუთებში აქციას აჭარაში მცხოვრები მწერლები შეურთდნენ. აქციამ 6 მაისის პარკში გადაინაცვლა. 

 

13:49 „წადი შაშკინ” – სკანდირებენ სტუდენტები ბათუმის უნივერსიტეტის წინ. 

 

 13: 45 აქციას უერთდებიან სკოლის მოსწავლეები და უნივერსიტეტის ლექტორები. აქციასთან ახლოს, უნივერსიტეტის წინ ნაციონალური მოძრაობის დროშებით მორთული მანქანები სიგნალებით და სტვენით დადიან. აქციის ორგანიზატორები აფრთხილებენ სტუდენტებს არ წამოეგონ პროვოკაციაზე. 

 

13: 38 „გადადგეს დიმიტრი შაშკინი, რომელმაც ციხედ აქცია სკოლა და განათლების სისტემა” – ბათუმის უნივერსიტეტთან აქციაზე სტუდენტები დიმიტრი შაშკინის პასუხისმგებლობაზე საუბრობენ. 

 

 13:32 სტუდენტები ხაზგასმით მოუწოდებენ პოლიტიკურ პარტიებს, თავი შეიკავონ სტუდენტური აქციების მათ სასიკეთოდ გამოყენებისთვის. 

 

 13:28 სტუდენტების აქციას უნივერსიტეტთან რამდენიმე სასულიერო პირი შეუერთდა. ისინი ამბობენ, რომ მოვიდნენ სტუდენტების დასაცავად.

 

13:21 სტუდენტური აქციის პარალელურად საზემო მსვლელობისთვის ემზადება „ნაციონალური მოძრაობის“ ახალგაზრდული ფრთა, რომელიც პარტიის შტაბის წინ შეკრიბა, დროშებით. „ნაციონალების’ საზეიმო მსვლელობა მანქანების გაბმული სიგნალებით ბათუმში მესამე დღეა მიმდინარეობს. 

 

13:17 „ბათუმელების” კორესპოდენტი გვატყობინებს, რომ ბათუმს უნივერსიტეტთან ყოველ ხუთ წუთში ჩნდება პატრულს მანქანები. 

 

დღის პირველი საათიდან მიმდინარეობს სტუდენტების აქცია ბათუმის შოთა რუსთაველის უნივერსიტეტთან. „ნუ დაგვცინით”, „არ გვეზემება”, „გისოსებს მიღმაც საქართველოა”, „საქართველოს აუპატიურებენ SOS”, „სირცხვილი ტაშის დამკვრელებს” – ამ ტრანსპარანტებითა და შეძახილებით სტუდენტები სოლიდარობას უცხადებენ პატიმრებს. 

 <!** Image 1 align="left" width="500" height="1491" >

მთავარი თემა: წამება – საქმე, რომელიც ჰააგამდე შეიძლება მივიდეს  

 

 

ზურაბ მახაშვილი, წამების მსხვერპლთა ფსიქოლოგიური და სამედიცინო რეაბილიტაციის ცენტრის იურისტი: „თუ წამება დაკავშირებულია მსხვერპლის მიერ მიცემულ ჩვენებასთან, მაშინ საქმე იშლება _ ჩვენება მთლიანად ძალადაკარგულია… სასამართლო სისტემა, რომელიც წლების განმავლობაში მხოლოდ აღიარებით ჩვენებაზე იყო დაყრდნობილი, შეიძლება მალე კრახის წინაშე დადგეს. თუ დამტკიცდა, რომ წამებას ჰქონდა ჩვენების გამოძალვის ხასიათი, ეს ხდებოდა ადამიანებისგან ფულის გამოძალვის, საპროცესო შეთანხმების, მათი აგენტებად ქცევისთვის, ან უბრალოდ მათი თავიდან მოშორების მიზნით, ეს იქნება ერთ-ერთი კომპონენტი საერთაშორისო ტრიბუნალის დანიშვნისა.“

 

 

თემა: სტუდენტების პროტესტი – სისტემა უნდა დაინგრეს

დათო ტურაშვილი:  „ყოველთვის მეგონა, რომ ადრე თუ გვიან ეს მოხდებოდა. იმიტომ, რომ შესაძლოა ყველა დროში მოძებნონ ისეთ სტუდენტები, ვინც ნებისმიერი ხელისუფლების მომხრე იქნება, მაგრამ ნებისმიერ შემთხვევაში, ყოველთვის აღმოჩნდებიან ისეთი სტუდენტებიც, რომლებიც უსამართლობას ვერ შეეგუებიან და ასეც მოხდა.” 

 

 საზოგადოება: „როცა სახელმწიფო კლავს და შენ მას ამართლებ, მკვლელობის მონაწილე ხარ”  

ლელა გაფრინდაშვილი: „საზოგადოებამ არ უნდა დაუშვას 97 პროცენტით ერთი პარტიის შესვლა პარლამენტში. ასეთი ეგზალტაცია იყო 2003 წელსაც და სწორედ ამიტომ გვაქვს ეს შედეგი. პარლამენტის მრავალფეროვნება ამცირებს ამ ტიპის ავტორიტარიზმს.“ 

 

პოლიტიკა:  ლევან ვარშალომიძე: „ნამდვილად ცუდი ფაქტი მოხდა“ – „ნაციონალური მოძრაობის” წევრები პატიმართა წამების შესახებ  

 

რას ყიდიან პოლიტიკოსები   –   ნიკო თევდორაშვილი: „თუ მომხმარებელი ბაზარში ყიდულობს უვარგის კვერცხს, ეს მყიდველის პრობლემაა“

 

 

საზოგადოება: გაითიშება თუ არა ტელევიზიები არჩევნების შემდეგ – „ჯერ მეცხრე არხს და მაესტროს ვუყურებ და შემდეგ ვამოწმებ ინფორმაციას იმედსა და რუსთავი 2-ზე, ყველა არხს უნდა ვუყუროთ, რომ დასკვნები გამოვიტანოთ“, – ამბობს ბათუმელი ჯეინ-მარი ბოლქვაძე.