Batumelebi | მტირალას ეროვნულ პარკამდე მისასვლელი გზის რეაბილიტაცია მტირალას ეროვნულ პარკამდე მისასვლელი გზის რეაბილიტაცია – Batumelebi
RU | GE  

მტირალას ეროვნულ პარკამდე მისასვლელი გზის რეაბილიტაცია

 

მტირალას ეროვნულ პარკამდე მისასვლელი ორკილომეტრიანი მონაკვეთის რეაბილიტაცია დაიწყო. სამუშაოებს საგზაო დეპარტამენტი ახორციელებს ქობულეთის მუნიციპალიტეტის ფინანსური მხარდაჭერით. როგორც მტირალას ეროვნული პარკის ადმინისტრაციაში აცხადებენ, სამუშაოების დასრულების შემდეგ ასფალტის გარეშე დარჩენილი საფარი მტირალას ვიზიტორთა ცენტრამდე 5 კმ-იანი მონაკვეთი იქნება.

 

„დაზიანებული გზის შეკეთება ტურიზმის განვითარებას შეუწყობს ხელს. გზის რეაბილიტაციის შედეგად როგორც ვიზიტორები, ასევე სოფელ ჩაქვისთავის მოსახლეობა კომფორტულად შეძლებს გადაადგილებას დანიშნულების ადგილამდე,“ –  ნათქვამია ადმინისტრაციის განცხადებაში.

 

ამასთან მტირალას ეროვნულ პარკში ვიზიტორთა ცენტრის სარეაბილიტაციო სამუშაოები მიმდინარეობს, რომელიც  კავკასიის ბუნების დაცვის ფონდის ფინანსური მხარდაჭერით ხორციელდება.

 

ვიზიტორთა ცენტრი 2008 წელს აშენდა და ოთხი ორადგილიანი სასტუმროს ნომრის, ღია ტერასის, საგამოფენო დარბაზისა და ეზოსგან შედგება. იქვეა საპიკნიკე და საკარვე ადგილებიც. ვიზიტორთა ცენტრის სარეაბილიტაციო სამუშაოების დასრულება წლის ბოლოს იგეგმება.

 

მტირალას ეროვნული პარკის ადმინისტრაცია 9 თვის ვიზიტორთა სტატისტიკასაც აქვეყნებს. გასულ წელთან შედარებით ვიზიტორები 45%-ით გაიზარდა. გასულ წელს პარკს 14 576 ვიზიტორი ეწვია, მიმდინარე წელს კი  მტირალა 21173 ადამიანმა მოინახულა.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"