Batumelebi | სად ინახავს ვარშალომიძე ჩაზნექილ სკამებს? სად ინახავს ვარშალომიძე ჩაზნექილ სკამებს? – Batumelebi
RU | GE  

სად ინახავს ვარშალომიძე ჩაზნექილ სკამებს?

20 აგვისტოს  ბათუმის მაჟორიტარობის კანდიდატის, გიორგი ბარამიძის წარდგენისას, მიხეილ სააკაშვილი  „ქართული ოცნების“ აჭარის უმაღლესი საბჭოს არჩევნებზე ბათუმის მაჟორიტარობის კანდიდატის, მხატვარ კაკო ძნელაძის საარჩევნო გამოსვლას გამოეხმაურა: „ვისაც ჩაზნექილი სკამები ენატრება, ლევანს აქვს რამდენიმე გადანახული საწყობში, ჯართად გასაგზავნი, სახლში წაუღე იმ ხალხს ჩაზნექილი სკამები“ – განაცხადა საქართველოს პრეზიდენტმა ბათუმში. 

 

ლელა დუმბაძე  

 

 

 

 

როგორ აღმოჩნდა ლევან ვარშალომიძის საწყობში სახელმწიფო ქონება და როგორ აპირებს მის ჯართად გაყიდვას აჭარის მთავრობის თავმჯდომარე, ან თუნდაც გაჩუქებას წინასაარჩევნოდ, ამის გადამოწმებას დღეს ლევან ვარშალომიძესთან შევეცადეთ, რომელიც  ქალაქის მერთან, რობერტ ჩხაიძესთან ერთად მემედ აბაშიძის ქუჩაზე სეირნობდა. „ბათუმელებმა“ ლევან ვარშალომიძეს „ჩაზნექილი სკამების“ საწყობის გადაღება სთხოვა: „გაჩვენებთ“ – დაგპირდა ლევან ვარშალომიძე.   

 „მე მშვიდი, ჩაზნექილი სკამები მომენატრა შენს ბულვარში ჩემო ბათუმო“- ეს სიტყვები ბათუმელმა მხატვარმა, კაკო ძნელაძემ ბათუმში, ბიძინა ივანიშვილის მოსახლეობასთან შეხვედრის დროს გამართულ აქციაზე წარმოთქვა. მისი განცხადებით, ამ სიტყვებში მან ბათუმის ბულვარის და ზოგადად ქალაქის იერსახის ცვლილება იგულისხმა.

ლევან ვარშალომიძე, აჭარის მთავრობის თავმჯდომარე და რობერტ ჩხაიძე, ბათუმის მერი

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე