Batumelebi | გონიოს მცხოვრებლებს ბათუმის მერია ავტოფარეხებს უნგრევს გონიოს მცხოვრებლებს ბათუმის მერია ავტოფარეხებს უნგრევს – Batumelebi
RU | GE  

გონიოს მცხოვრებლებს ბათუმის მერია ავტოფარეხებს უნგრევს

გონიოს-მცხოვრებლებს-ბათუ

ავტორი: მანანა ქველიაშვილი

ბათუმის მერიის ზედამხედველობის სამსახურმა გონიოში, სანაპირო ზოლში მცხოვრებლების კუთვნილი ავტოფარეხების დანგრევა დაიწყო. მოსახლეობის ნაწილი მერიის ამ გადაწყვეტილებას პროტესტით შეხვდა. გონიოელები მერიის წარმომადგენლებისაგან ხელშეკრულების დადებას ითხოვდა, რომელშიც კომპენსაციის ოდენობა იქნებოდა განსაზღვრული.

„სანამ ხელშეკრულებას არ მომცემენ ჩემს გარაჟს არ დავანგრევინებს. თუ მომკლავენ, მომკლან. მაღაზია მქონდა გარაჟში მოწყობილი, არ შეიძლებაო, კაი არ შეიძლება ვანგრევ, მაგრამ კომპენსაცია ხომ უნდა მომცენ, ამის საბუთს არავინ არ იძლევა,“ – განაცხადა გონიოს მცხოვრებმა მავილე ბერიძემ.

[slideshow]

მერიის ზედამხედველობის სამსახურის ადმინისტრაციული განყოფილების უფროსი ვასილ ჯინჭველეიშვილი აცხადებს რომ ავტოფარეხების მფლობელები კომპენსაციას აუცილებლად მიიღებენ.

„ზედამხედველობის სამსახურს არ გვაქვს იმის უფლება რომ შევადგინოთ რაიმე სახის დოკუმენტი და მივცეთ მოსახლეობას. საკრებულოს მიერ მიღებული დადგენილების მიხედვით, შექმნილია საკომპენსაციო კომისია. როგორც კი ამხანაგობის თავმჯდომარეები შემოგვიტანენ განცხადებებს, ჩვენს მიერ მოხდება ამ განცხადებების გადამოწმება და გავუშვებთ კომისიაზე. კომისია დანიშნავს სხდომას, შეიკრიბებიან კომისიის წევრები და დაამტკიცებენ თანხებს. კომისიის სხდომის ჩატარების შემდეგ, 5 სამუშაო დღის განმავლობაში მოხდება თანხების ჩარიცხვა,“ – განაცხადა ვასილ ჯინჭველეიშვილმა.

გონიოში ავტოფარეხების დემონტაჟს ტენდერში გამარჯვებული ფირმა შპს „გემო“ ახორციელებს. ბათუმის მერიამ „საკომპენსაციო თანხებით მოქალაქეთა უზრუნველყოფის“ პროგრამის ფარგლებში საკომპენსაციო თანხები უკვე გაზარდა, აღნიშნულ პროგრამას მილიონ ასიათასი ლარი მიზნობრივად დაამატეს. გადაწყვეტილება საკრებულომ უკვე მიიღო. გონიოში, მათ ვისაც ავტოფარეხი დაკანონებული არა აქვს ბათუმის მერია კაპიტალურ ავტოფარეხზე 1500 ლარს გადაუხდის, არაკაპიტალურზე კი 800 ლარს. ხოლო ის მოქალაქეები, ვინც ფართს საკუთრებაში ფლობს კაპიტალურ ავტოფარეხებზე 1 კვ.მ-ში 100 ლარს მიიღებენ. 250 ლარს მიიღებს ის ვინც კომერციულ ფართს ფლობს.

ავტორი: მანანა ქველიაშვილი

ბათუმის მერიის ზედამხედველობის სამსახურმა გონიოში, სანაპირო ზოლში მცხოვრებლების კუთვნილი ავტოფარეხების დანგრევა დაიწყო. მოსახლეობის ნაწილი მერიის ამ გადაწყვეტილებას პროტესტით შეხვდა. გონიოელები მერიის წარმომადგენლებისაგან ხელშეკრულების დადებას ითხოვდა, რომელშიც კომპენსაციის ოდენობა იქნებოდა განსაზღვრული.

„სანამ ხელშეკრულებას არ მომცემენ ჩემს გარაჟს არ დავანგრევინებს. თუ მომკლავენ, მომკლან. მაღაზია მქონდა გარაჟში მოწყობილი, არ შეიძლებაო, კაი არ შეიძლება ვანგრევ, მაგრამ კომპენსაცია ხომ უნდა მომცენ, ამის საბუთს არავინ არ იძლევა,“ – განაცხადა გონიოს მცხოვრებმა მავილე ბერიძემ.

[slideshow]

მერიის ზედამხედველობის სამსახურის ადმინისტრაციული განყოფილების უფროსი ვასილ ჯინჭველეიშვილი აცხადებს რომ ავტოფარეხების მფლობელები კომპენსაციას აუცილებლად მიიღებენ.

„ზედამხედველობის სამსახურს არ გვაქვს იმის უფლება რომ შევადგინოთ რაიმე სახის დოკუმენტი და მივცეთ მოსახლეობას. საკრებულოს მიერ მიღებული დადგენილების მიხედვით, შექმნილია საკომპენსაციო კომისია. როგორც კი ამხანაგობის თავმჯდომარეები შემოგვიტანენ განცხადებებს, ჩვენს მიერ მოხდება ამ განცხადებების გადამოწმება და გავუშვებთ კომისიაზე. კომისია დანიშნავს სხდომას, შეიკრიბებიან კომისიის წევრები და დაამტკიცებენ თანხებს. კომისიის სხდომის ჩატარების შემდეგ, 5 სამუშაო დღის განმავლობაში მოხდება თანხების ჩარიცხვა,“ – განაცხადა ვასილ ჯინჭველეიშვილმა.

გონიოში ავტოფარეხების დემონტაჟს ტენდერში გამარჯვებული ფირმა შპს „გემო“ ახორციელებს. ბათუმის მერიამ „საკომპენსაციო თანხებით მოქალაქეთა უზრუნველყოფის“ პროგრამის ფარგლებში საკომპენსაციო თანხები უკვე გაზარდა, აღნიშნულ პროგრამას მილიონ ასიათასი ლარი მიზნობრივად დაამატეს. გადაწყვეტილება საკრებულომ უკვე მიიღო. გონიოში, მათ ვისაც ავტოფარეხი დაკანონებული არა აქვს ბათუმის მერია კაპიტალურ ავტოფარეხზე 1500 ლარს გადაუხდის, არაკაპიტალურზე კი 800 ლარს. ხოლო ის მოქალაქეები, ვინც ფართს საკუთრებაში ფლობს კაპიტალურ ავტოფარეხებზე 1 კვ.მ-ში 100 ლარს მიიღებენ. 250 ლარს მიიღებს ის ვინც კომერციულ ფართს ფლობს.

ნეტგაზეთის მასალების სხვა გამოცემებში გადაბეჭდვის წესი
netgazeti.ge