შუახევის მუნიციპალიტეტში მცხოვრები მოსახლეობა საზაფხულო იალაღებზე – კატრიანის, გრძელგორის, ყავრიანის, ჩირუხის, ღომას, თაგინურის, ჯანჯღნარის, მერიაყელის, შედრეკილის, თეთრობის მთებზე ივნისის ბოლოდან აგვისტოს შუა რიცხვებამდე [ორი თვის განმავლობაში] უფასო გადაადგილებით ისარგებლებს.
შუახევის გამგეობამ ელექტრონული ტენდერი ამ მომსახურებაზე გუშინ, 6 ივლისს, 28 460 ლარზე გამოაცხადა.
შესყიდვების ეროვნული სააგენტოს ვებგვერდზე განთავსებული ინფორმაციის მიხედვით, კომპანია, რომელსაც შუახევის გამგეობა ხელშეკრულებას გაუფორმებს:
[checklist]
- კატრიანის და ყავრიანის მიმართულებით მიმავალ მგზავრებს დაბა შუახევიდან უნდა მოემსახუროს,
- გრძელგორზე – ხიჭაური, ახალდაბა, ბარათაულიდან,
- თაგინურიზე – ცხემლისი, ხიჭაური, ბრილიდან,
- ჩირუხზე – ოლადაური, ტბეთი, გოგაძეები, ჯაბნიძეები, ქიძინიძეებიდან,
- ჯანჯღნარზე – ნიგაზეულიდან,
- მერიაყელზე – ხიჭაურიდან,
- შედრეკილზე – ინწკირვეთიდან,
- ღომაზე – კვირიაული, ცინარეთიდან,
- მთა თეთრობზე კი უფასო ტრანსპორტი რეისს სოფელ ზამლეთიდან შეასრულებს.
[/checklist]
დასახელებული სოფლებიდან იალაღების მიმართულებით ორმხრივად სულ 147 რეისი შესრულდება.
შუახევის გამგეობის შესყიდვების სამსახურის უფროსის, ომარ აბუსელიძის ინფორმაციით, მემთეურებით კომპაქტურად დასახლებულ მთებზე სოფლებიდან კვირის განმავლობაში 2-3, ხოლო ნაკლებად დასახლებულ იალაღებზე – 1 ან 2 რეისი შესრულდება. რაც შეეხება უფასო ტრანსპორტის გადაადგილების გეგმა-გრაფიკს, სოფლებსა და თემის ცენტრებში რამდენიმე დღით ადრე გამოიკვრება.
სატენდერო პირობების თანხმად, შუახევის გამგეობის მიერ საზაფხულო იალაღებზე მგზავრთა უფასოდ გადაადგილებისთვის გამოცხადებული ელექტრონული ტენდერი 13 ივნისს დასრულდება, ხელშეკრულებას გამგეობა მხოლოდ იმ მიმწოდებელს გაუფორმებს, რომელსაც საკუთრებაში ან ხელშეკრულებით მინიმუმ სამი, არანაკლებ 14-ადგილიანი, ტექნიკურად გამართული მიკროავტობუსი აქვს, ხოლო მძღოლს, რომელიც მოსახლეობას შუახევიდან ილაღაებზე გადაიყვანს „D“ კატეგორიის მართვის მოწმობა უნდა ჰქონდეს.
ამავე თემაზე:
