წელს ჯიფონის საერთაშორისო კინოფესტივალზე პირველად გაემგზავრება მოსწავლე აჭარის ავტონომიური რესპუბლიკიდან.
გამარჯვებული ბათუმის წმ. ანდრია პირველწოდებულის სახელობის სკოლის მე-10 კლასის მოსწავლე ნანა გოგიტიძეა, რომელიც სხვა ქართველ ბავშვებთან ერთად ჯიფონის 44-ე კინოფესტივალზე იტალიაში გაემგზავრება.
კინოფესტივალზე მსოფლიოს სხვადასხვა ქვეყნიდან ჩასული 3000-ზე მეტი ბავშვი ნახავს ფილმებს, იმსჯელებენ, განიხილავენ და გამოავლენენ გამარჯვებულებს სხვადასხვა ნომინაციებში.
ბავშვებს ადგილობრივი თანატოლების ოჯახები უმასპინძლებენ.
