მთავარი,სიახლეები • • •

28 ოქტომბერი: 36 წელი მრავალპარტიული არჩევნებიდან ოპოზიციის აკრძალვამდე

28.10.2026
28 ოქტომბერი: 36 წელი მრავალპარტიული არჩევნებიდან ოპოზიციის აკრძალვამდე

დღეს, 28 ოქტომბერს, ზუსტად 36 წელი გავიდა მას შემდეგ, რაც საქართველოში, პირველი რესპუბლიკის ოკუპაციიდან 70 წლის შემდეგ, პირველად ჩატარდა მრავალპარტიული არჩევნები.

ამ ისტორიული დღიდან 36 წლის შემდეგ დღეს, 2026 წლის 28 ოქტომბერს, საქართველოს საკონსტიტუციო სასამართლო განიხილავს „ოცნების“ სარჩელს, რომლითაც ბიძინა ივანიშვილის პარტია ითხოვს ქვეყანაში ოპოზიციური პარტიების გაუქმებას.

1990 წელს არჩევნებში 14 პოლიტიკური პარტია მონაწილეობდა. არჩევნები ჩატარდა შერეული სისტემით. არჩეულ იქნა უზენაესი საბჭოს 250 (125 პროპორციული და 125 მაჟორიტარული სისტემით) დეპუტატი 5 წლის ვადით.

1990 წელს, 28 ოქტომბრის არჩევნების შედეგად ხელისუფლებაში მოვიდა გაერთიანებული ოპოზიციური პარტიების ბლოკი „მრგვალი მაგიდა – თავისუფალი საქართველო“, რომლის ლიდერიც იყო ზვიად გამსახურდია.

არჩევნებში 4%-იანი ბარიერი გადალახა და პროპორციული სისტემით მანდატები მიიღო მხოლოდ ორმა პარტიამ: „მრგვალი მაგიდა–თავისუფალი საქართველო“ (81 დეპუტატი) და საქართველოს კომუნისტური პარტია (44 დეპუტატი).

ფოტოზე: ზვიად გამსახურდია, საქართველოს ეროვნულ-განმათავისუფლებელი მოძრაობის ერთ-ერთი ლიდერი საარჩევნო ყუთთან. ჯემალ კასრაძის ფოტო. წყარო: ციფრული ბიბლიოთეკა „ივერიელი“ 

ამავე თემაზე: 

 

გადაბეჭდვის წესი

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ. ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას. დღეს შენი მხარდაჭერა გვჭირდება _ ამისთვის შევქმენით მარტივი და უსაფრთხო პლატფორმა: შეგიძლია აირჩიო შენთვის მისაღები თანხა, რომლის გადახდასაც შეძლებ, თუნდაც თვეში 1 ლარი, და გახდე „ბათუმელებისა“ და „ნეტგაზეთის“ მხარდამჭერი. ჩვენ არ გვინდა დამატებით ფინანსურ ტვირთად ვიქცეთ ვინმესთვის. ჩვენთვის საზოგადოების მხარდაჭერა არა თანხის ოდენობით, არამედ ჩვენი მკითხველისა და გულშემატკივრის სიმრავლით იზომება.
უფრო მეტ ინფორმაციას, ასევე, წესებსა და პირობებს შეგიძლია გაეცნო მხარდაჭერის პლატფორმაზე.

ასევე: