წუხელ, 28 ოქტომბერს, გვიან ღამით, საპატრულო პოლიციის ეკიპაჟი და მსუბუქი ავტომანქანა ერთმანეთს შეეჯახა ბათუმში, ორბელიანის ქუჩაზე.
თვითმხილველების თქმით, საპატრულო პოლიციის ეკიპაჟმა ჰაერში რამდენიმე ბრუნი გააკეთა და შემდეგ ხეს შეეჯახა.
ასევე თვითმხილველების ინფორმაციით, პოლიციელებს ავტომანქანიდან გადმოსვლაში მოქალაქეები დაეხმარნენ. არც ერთ ავტომანქანაში მსხდომებს მნიშვნელოვანი ხილული დაზიანებები არ აღენიშნებოდათ.






