დღეს, 4 სექტემბერს, ბათუმში, ფრიდონ ხალვაშის ქუჩაზე ავარიის შედეგად ორი ადამიანი დაშავდა.
მსუბუქი ავტომობილი მამა-შვილს დაეჯახა, რომლებიც სქროლით გადაადგილდებოდნენ.
შსს-ს ინფორმაციით, გამოძიება დაწყებულია სსკ-ის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
დაშავებულები კლინიკაში არიან გადაყვანილი. „ბათუმელების“ ინფორმაციით, დაშავებულები საქართველოს მოქალაქეები არიან.
