თელავში, დააკავეს კაცი, რომელსაც საკუთარი დედის განზრახ მკვლელობის მცდელობას ედავებიან.
შინაგან საქმეთა სამინისტროს განცხადებაში წერია, რომ ინციდენტი „ურთიერთშესაპარაკების ნიადაგზე“ მოხდა.
დაჭრილი ქალი საავადმყოფოში გადაიყვანეს.
„სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულის ჩამდენი პირი ცხელ კვალზე, თელავში დააკავეს. დანაშაულის ჩადენის იარაღი ამოღებულია ნივთმტკიცებად“, – აცხადებენ შსს-ში.
გამოძიება დაიწყო სისხლის სამართლის კოდექსის 11 პრიმა 19-109-ე მუხლით, რაც გულისხმობს ოჯახის წევრის განზრახ მკვლელობის მცდელობას, ჩადენილს დამამძიმებელ გარემოებებში. აღნიშნული დანაშაული 20 წლამდე პატიმრობას ითვალისწინებს.
