ბათუმის მერია „ავტოტრანსპორტის“ სუბსიდირებას 3.5 მილიონამდე ზრდის საწვავის ფასი გამო

როგორც ჩანს შპს „ბათუმის ავტოტრანსპორტს“ მგზავრობის ფასის გაძვირებამ არ უშველა და მერიის ბიუჯეტიდან დაფინანსების გაზრდა მოითხოვა.

მერია სუბსიდიას 3,5 მილიონამდე ზრდის და განმარტავს, რომ ზრდა საწვავის ფასის გაზრდამ გამოიწვია:

„იზრდება ღონისძიების დაფინანსება, მუნიციპალური ავტობუსებისათვის საწვავის ფასის გაზრდის გამო, რაც უკავშირდება საერთაშორისო ბაზარზე ნავთობის გაძვირებას“ – განმარტავს მერია.

შესაბამისი ცვლილება ბიუჯეტში ბათუმის საკრებულომ 20 აგვისტოს დაგეგმილ სხდომაზე უნდა დაამტკიცოს.

გარდა ამისა, მერია შპს „ბათუმის ავტოტრანსპორტის“ კაპიტალს ზრდის მუნიციპალური ავტობუსების შესაძენად. მერიის ინფორმაციით დაგეგმილია 20 ერთეული 10-მეტრიანი ავტობუსის შეძენა 2026-2027 წლებში.

ამ ღონისძიების დასაფინანსებლად მერიამ ბიუჯეტში 11 მილიონ 730 300 ლარი გაითვალისწინა.

2026 წლის თებერვლიდან ბათუმში ავტობუსით მგზავრობის საფასური 70 თეთრამდე გაზარდეს, მანამდე 30 თეთრი იყო. მათ ვინც სოციალური შეღავათებით სარგებლობდა, ეს შეღავათი შეუნარჩუნდა.

მგზავრობის გაძვირებას ბათუმის საკრებულოში მხარი „ქართული ოცნების“ ყველა დეპუტატმა დაუჭირა. წინააღმდეგ აწიეს ხელი საკრებულოს წევრებმა ოპოზიციიდან.

ასევე:

ბათუმის მერია „ავტოტრანსპორტის“ სუბსიდირებას 3.5 მილიონამდე ზრდის საწვავის ფასი გამო

„რას ნიშნავს, როცა პედაგოგი 30 წელია გაკვეთილს ატარებს, მაგრამ გამოცდას ვერ აბარებს?“ – ინტერვიუ

Garibashvili’s Third Letter: Allegations Against “a Group Within the Team” and a Loyalty Ballad to Ivanishvili

„ეს არის წამება და არაადამიანური მოპყრობა“ – ზვიად ცეცხლაძე ციხეში არსებულ ვითარებაზე წერს

„ჩემს 59 წლის ცოლს ბათუმში დაეჯახა მანქანა, პოლიციელის სიძე. 1 წელი გადის, არავინ დასაჯეს“ – მოქალაქე

„მე არავის არ ვებრძვი, მხოლოდ საკუთარ თავს და ოჯახს ვიცავ“ – ღარიბაშვილის მესამე წერილი ციხიდან