მერიის წინ, გორგილაძის ქუჩაზე, მსუბუქი ავტომანქანა მოპედს დაეჯახა. მოპედის მძღოლი ბათუმის რესპუბლიკურ საავადმყოფოშია გადაყვანილი. სასწრაფო-სამედიცინო სამსახურის ცნობით, დაშავებულს კეფის არეში ჰქონდა ნაფლეთი ჭრილობა.
შინაგან საქმეთა სამინისტროს პრესსამსახურის ინფორმაციით, ავტოსაგზაო შემთხვევაზე უკვე დაიწყო გამოძიება სისხლის სამართლის კოდექსის 276-ე მუხლის მიხედვით, რაც სატრანსპორტო საშუალების მართვის წესების დარღვევას გულისხმობს.
