ბათუმსა და ფოთში B და BE კატეგორიის მართვის უფლების მისაღები პრაქტიკული გამოცდისთვის ახალი მარშრუტები დაამატეს.
შინაგან საქმეთა მინისტრის ბრძანებით დამტკიცებული საგამოცდო მარშრუტები 2025 წლის 14 აპრილიდან ამოქმედდება.
B და BE კატეგორიების სატრანსპორტო საშუალების მართვის უფლების მისაღები პრაქტიკული გამოცდა 2022 წლის აპრილიდან ორეტაპიანი გახდა – პრაქტიკული გამოცდის პირველი ეტაპი ტარდება დახურულ მოედანზე, ხოლო მეორე ეტაპი – რეალური საგზაო მოძრაობის პირობებში. ამ კატეგორიებში შედის მსუბუქი და მსუბუქმისაბმელიანი ავტომანქანები.
ბათუმში ამ დრომდე ორი საგამოცდო მარშრუტი იყო დამტკიცებული. ამჯერად კი დაემატა კიდევ ერთი ახალი მარშრუტი – N3.
- ბათუმი / საგამოცდო მარშრუტი N3
მარშრუტი დაიწყება სულხან-საბა ორბელიანის ქუჩაზე[შსს-ს მომსახურების სააგენტოდან], შემდეგ – გენერალ ასლან აბაშიძის ქუჩა – ლეონიძის ქუჩა – ტაბიძის ქუჩა – აღმაშენებლის ქუჩა – ბაგრატიონის ქუჩა – ჟიული შარტავას გამზირი – ტბელ აბუსერიძის ქუჩა – ჯავახიშვილის ქუჩა – პუშკინის ქუჩა – პეტრე მელიქიშვილის ქუჩა – ბაგრატიონის ქუჩა [ლერმონტოვის ქუჩამდე და უკან სელიმ ხიმშიაშვილის კვეთამდე] – სელიმ ხიმშიაშვილის ქუჩა – და დასრულდება სულხან-საბა ორბელიანის ქუჩაზე[შსს-ს მომსახურების სააგენტოს ტერიტორიაზე]:
ბათუმი, საგამოცდო მარშრუტი №3
2025 წლის 14 აპრილიდან ახალი მარშრუტი N6 დაემატება ასევე საგამოცდო მარშრუტებს ქალაქ ფოთში:
სხვადასხვა ქალაქში სხვადასხვა კატეგორიისთვის საგამოცდო მარშრუტები წინა წლებში დაემატა.
ამ თემაზე:
მართვის მოწმობის მისაღებად რამდენიმე ქალაქში საგამოცდო მარშრუტები დაემატა
