უკრაინაში ორი ქართველი მებრძოლი დაიღუპა.
ვანო ნადირაძის ინფორმაციით, რომელიც რუსეთ-უკრაინის ომში იბრძვის, დაიღუპნენ ქართველები დავით დვალიშვილი და მამუკა ბერია.
„სამწუხაროდ, ორი მაგარი მეომარი დავკარგეთ. ბიჭებმა ყველაფერი გააკეთეს, რომ წინა ხაზიდან გამოეყვანათ წუხელ ღამე“ – წერს ვანო ნადირაძე ფეისბუქში.
მას შემდეგ, რაც რუსეთმა უკრაინაში ფართომასშტაბიანი ომი დაიწყო, ქართველი მოხალისეების ნაწილი ამ ომში რუსეთის წინააღმდეგ იბრძვის.
2022-2024 წლებში რუსეთ-უკრაინის ომში 50-ზე მეტი ქართველი მებრძოლი დაიღუპა.
