ბათუმის ხელოვნების უნივერსიტეტის რექტორმა თეიმურაზ კეჟერაძემ თანამდებობა დატოვა.
„ბათუმელების“ ინფორმაციით, მან აკადემიურ საბჭოს მიმართა თანამდებობის დატოვების განცხადებით.
თეიმურაზ კეჟერაძემ „ბათუმელების“ ზარებს დღეს არ უპასუხა – მისთვის გვინდოდა გვეკითხა, რა გახდა თანამდებობის დატოვების მიზეზი.
დღეს, 15 იანვარს, ბათუმის ხელოვნების უნივერსიტეტის სტუდენტებმა განაცხადეს, რომ არ აპირებენ უნივერსიტეტის შენობის დატოვებას მანამ, სანამ მათი მოთხოვნები არ იქნება დაკმაყოფილებული. სტუდენტები ითხოვენ ხელოვნების უნივერსიტეტის დეკანის, მამუკა ჯორბენაძისა და უნივერსიტეტის 4 სტუდენტის გათავისუფლებას.
„ჩვენ ვითხოვთ ჩვენი დეკანის, მამუკა ჯორბენაძისა და სტუდენტების: დავით გვიანიძის, გურამ მიქელაძის, ანრი კაკაბაძისა და გიორგი დავითაძის გათავისუფლებას“ – განაცხადეს სტუდენტებმა დღეს.
ამავე თემაზე:
ბათუმში დააკავეს ხელოვნების უნივერსიტეტის დეკანი და 4 სტუდენტი – ისინი აქციებში მონაწილეობდნენ
