26 მარტს საქართველოს ნაკრებმა საბერძნეთის ნაკრები ანგარიშით 4:2 დაამარცხა [პენალტების სერია] და შედეგად, პირველად საქართველოს რესპუბლიკის ისტორიაში, საქართველოს ნაკრები ევროპის ჩემპიონატზე ითამაშებს.
ევროპის ჩემპიონატი წელს, 14 ივნისს დაიწყება. საქართველოს ნაკრები F ჯგუფში თურქეთთან, ჩეხეთთან და პორტუგალიასთან ითამაშებს.
ევროპის 2024 წლის ჩემპიონატზე საქართველოს ნაკრები პირველ შეხვედრას თურქეთის ნაკრებთან გამართავს. მატჩი 18 ივნისს, გერმანიაში, ქალაქ დორტმუნდში გაიმართება.
მეორე შეხვედრა ჩეხეთის ნაკრებთან გაიმართება 22 ივნისს, ჰამბურგში, საქართველო-პორტუგალიის ნაკრებები კი ერთმანეთს შეხვდებიან 26 ივნისს, გელზენკირხენში.
„მინდა გთხოვოთ, დავზოგოთ ფული და ყველანი გერმანიაში!“ – ასე მიმართა მატჩის დასრულების შემდეგ საქართველოს ნაკრების კაპიტანმა, გურამ კაშიამ გულშემატკივრებს.
_________________
ფოტო: UEFA/faceboook
