ბათუმი-ახალციხის ცენტრალური მაგისტრალის ხიჭაური-ზამლეთის მონაკვეთი, სადაც ხშირად მოძრაობს ჰესის მშენებელი კომპანიის მძიმე ტექნიკა, დაზიანებულია.
გზა დაბა შუახევთან
შუახევის მუნიციპალიტეტის ინფრასტრუქტურის სამსახურის უფროსის, ედნარ შარაშიძის თქმით, ხიჭაური-შუახევის მონაკვეთი დაზიანებულია თითქმის მთლიანად, ხოლო გზის შუახევი-ნენიის მონაკვეთი ნაწილობრივ.
„აღნიშნულთან დაკავშირებით ჩამოსულები იყვნენ საქართველოს საავტომობილო გზების დეპარტამენტის წარმომადგენლები, რომლებმაც ჩაატარეს აზომვითი სამუშაოები. ჩემი ინფორმაციით, შუახევის დაბის 800-მეტრიანი მონაკვეთის რეაბილიტაცია იგეგმება ამ თვის ბოლოსთვის, ხოლო ხიჭაური-შუახევის მონაკვეთის ნაწილობრივ რეაბილიტაცია ჩატარდება,“ – განაცხადა „ბათუმელებთან“ ედნარ შარაშიძემ.
ხიჭაური
მისივე თქმით, „ჰესების კომპანიების მონაწილეობის მიღებასთან დაკავშირებით, როგორც ჩვენთვის ცნობილია, საგზაო დეპარტამენტსა და კომპანიებს შორის არის ხელშეკრულება და ისინი ამ დროისთვის მხოლოდ ნაწილობრივ შეაკეთებენ გზებს. გზები ნაწილობრივ კი კეთდება, მაგრამ მაინც ზიანდება“.
ამავე თემაზე:
