27 თებერვალს თურქეთში, მალათიას პროვინციაში, მომხდარი 5,6 მაგნიტუდის სიმძლავრის მიწისძვრის შედეგად ორი ადამიანი დაიღუპა და 140 დაშავდა – ამის შესახებ დღეს, 28 თებერვალს, თურქეთის საგანგებო სიტუაციების სამსახურმა განაცხადა.
მალათიაში მიწისძვრის შედეგად დანგრეული შენობების ნანგრევებიდან გუშინ 32 ადამიანი გამოიყვანეს.
მიწისძვრის შედეგად 31 შენობა დაინგრა.
თებერვალში თურქეთში მიწისძვრას უდიდესი მსხვერპლი მოჰყვა. 6 თებერვალს 7,7 და 7,6 მაგნიტუდის სიმძლავრის მიწისძვრამ 44 ათასზე მეტი ადამიანის სიცოცხლე იმსხვერპლა, 20 თებერვალს მომხდარმა მიწისძვრამ კი – 3 ადამიანი.
______________
ფოტო: „ანადოლუ“/aa.com
