27 მაისს ბათუმის 1დემოკრატიის სკოლა“ წიგნის პრეზენტაციას გეგმავს. „პოლიტიკა და დემოკრატია – აუცილებელი საკითხავი“ – ასე ჰქვია წიგნის ახალ სერიას, რომლის გამოცემა ნიდერლანდების მრავალპარტიული დემოკრატიის ინსტიტუტმა (NIMD) დაიწყო. „ეს არის გავლენიანი პოლიტიკური სტატიების ქართული თარგმანების კრებული. აღნიშნული ციკლიდან პირველი წიგნის პრეზენტაცია 2015 წლის ივლისში საქართველოს პარლამენტის ეროვნულ ბიბლიოთეკაში შედგა,“-ინფორმაციას „დემოკრატიის სკოლა“ ავრცელებს.
მათივე ინფორმაციით, გამოცემაში შეკრებილი სტატიების უმრავლესობა სხვადასხვა დროს ავტორიტეტულ ჟურნალ Foreign Affairs-ში დაიბეჭდა და ისინი დღემდე განსაზღვრავენ დებატებს საერთაშორისო პოლიტიკასა და დემოკრატიზაციაზე.
„აღსანიშნავია, რომ წიგნში წარმოდგენილი მასალების უმრავლესობა აქამდე ქართულ ენაზე არ იყო ხელმისაწვდომი და დაინტერესებულ ადამიანებს, რომლებიც არ ფლობენ უცხო ენებს, რომლებზეც ეს სტატიები დაიწერა ან ითარგმნა, არ ჰქონდათ საშუალება, გაცნობოდნენ ამ გავლენიან პუბლიკაციებს. სწორედ ამ დეფიციტის შევსების იდეა უდევს საფუძვლად NIMD-ის ინიციატივას.
წიგნში შეტანილ ტექსტებს თითო სპიკერი წარადგენს.
