ბათუმის სამრეწველო ზონაში ხანძარია, ადგილზე მუშაობენ მეხანძრე-მაშველები.
„ბათუმელების“ ინფორმაციით, ცეცხლი პლასტმასის ნარჩენებს გაუჩნდა პლასტმასის ერთ-ერთ საწარმოში.
„ბათუმელების“ ინფორმაციით, საწარმოში ცელოფნის პარკებს ამზადებდნენ.
ბათუმის სამრეწველო ზონა ფრიდონ ხალვაშის გამზირის მიმდებარედ არის მოწყობილი, სადაც სხვადასხვა სახის საწარმო მუშაობს.
ხანძრის ზონასთან ახლოს დასახლება არ არის.
სამაშველო სამსახურის ინფორმაციით, ღია სივრცეში იწვის პლასტმასის ნარჩენები, ხანძარი უკვე ლოკალიზებულია. ხანძრის შედეგად არავინ დაშავებულა.
ხანძარი პლასტმასის საწარმოში, როინ გუნდაძის ფოტო
