მასწავლებლის პროფესიული განვითარებისა და კარიერული წინსვლის სქემაში ცვლილება შევიდა. მთავრობის გადაწყვეტილებით, შეიცვალა სპეციალური მასწავლებლის გამოცდის ვადები.
ბრძანების მიხედვით, უფროსი სპეციალური მასწავლებლის გამოცდა უნდა ჩატარდეს „არაუგვიანეს 2023 წლის პირველი იანვრისა, ხოლო წამყვანი სპეციალური მასწავლებლის გამოცდა უნდა ჩატარდეს, არაუგვიანეს 2024 წლის პირველი იანვრისა“. რაც იმას ნიშნავს, რომ მიმდინარე წელს უფროსი და წამყვანი სპეციალური მასწავლებლები სტატუსის ამაღლებას ვერ შეძლებენ.
უფროსი სპეციალური მასწავლებლის საგნობრივი გამოცდა პირველად შარშან, 14 ივლისს ჩატარდა. გამოცდაზე 2 800-მდე მსურველი იყო დარეგისტრირებული.
