დღეს, 14 ივლისს, მასწავლებელთა საგნობრივი კომპეტენციის დამადასტურებელი გამოცდები დაიწყო.
შეფასებისა და გამოცდების ეროვნული ცენტრის ინფორმაციით, გამოცდაზე 28 700-ზე მეტმა მსურველმა გაიარა რეგისტრაცია.
დღეს პრაქტიკოსი პედაგოგები ტესტირებას გაივლიან პროფესიულ უნარებში.
მასწავლებლის საგნის გამოცდის ჩაბარება და პროფესიული კომპეტენციის დადასტურება პედაგოგებს შეუძლიათ შემდეგ საგნებში:
ქართული ენა და ლიტერატურა, მათემატიკა, საზოგადოებრივი მეცნიერებები, საბუნებისმეტყველო მეცნიერებები, უცხოური ენები, ესთეტიკური აღზრდა და ინფორმაციული და საკომუნიკაციო ტექნოლოგიები.
პრაქტიკოს მასწავლებლებს ასევე აქვთ საშუალება კომპეტენცია დაადასტურონ პროფესიულ უნარებში.
ცენტრის ინფორმაციით, წელს პირველად ტარდება უფროსი სპეციალური მასწავლებლის გამოცდა და მის ჩასაბარებლად 2 800-მდე მსურველია დარეგისტრირებული.
როგორც მასწავლებელთა სახლში აცხადებენ, წელს, პრაქტიკოს მასწავლებლებს ბოლო შანსი ექნებათ იმისთვის, რომ თავიანთ საგანში საგნობრივი კომპეტენცია დაადასტურონ, წინააღმდეგ შემთხვევაში, მათ შესაძლოა სკოლა დატოვონ.
___________________________
მთავარი ფოტო: „ბათუმელების“ არქივიდან
