უკრაინის შეიარაღებული ძალების გენერალური შტაბის განახლებული მონაცემებით, 10 მარტის დილის მდგომარეობით, რუსეთ-უკრაინის ომში რუსეთის არმიის დაახლოებითი საბრძოლო დანაკარგი ამ დროისთვის ასეთია:
- პერსონალი – 12 000-ზე მეტი ადამიანი
- ტანკი – 335 ერთეული
- ჯავშანტექნიკა / APV – 1105 ერთეული
- საარტილერიო სისტემა – 123 ერთეული
- MLRS – 56 ერთეული
- საზენიტო საბრძოლო სისტემა – 29 ერთეული
- თვითმფრინავი – 49 ერთეული
- ვერტმფრენი – 81 ერთეული
- ავტოტრანსპორტი /საავტომობილო ტექნიკა – 526 ერთეულ,
- გემი / ნავი – 3 ერთეული
- საწვავის ავზი – 60
- UAV ოპერატიულ-ტაქტიკური დონე – 7
გენერალური შტაბი აცხადებს, რომ საომარი მოქმედებების მაღალი ინტენსივობის გამო მონაცემები იცვლება.
მე-15 დღეა, რაც რუსეთი უკრაინაში შეიჭრა და სრულმასშტაბიანი ომი დაიწყო. რუსეთი ბომბავს ქალაქებსაც, დაღუპულია ასობით მშვიდობიანი მოქალაქე. ძირითადად ევროკავშირის ქვეყნების მიმართულებით ქვეყანა დატოვა 2 მილიონზე მეტმა ადამიანმა. ეს არის მეორე მსოფლიო ომის შემდეგ ევროპაში ყველაზე მასშტაბური და სწრაფი ლტოლვილთა კრიზისი.
გაერო-ს ადამიანის უფლებათა უმაღლესი კომისრის ოფისის მონაცემებით, 9 მარტის მდგომარეობით, ომის დაწყებიდან დღემდე უკრაინის 474 მშვიდობიანი მოქალაქე დაიღუპა.
უკრაინის შეიარაღბეული ძალების გენერალური შტაბის ინფორმაციით, უკრაინის თავდაცვის ძალები აგრძელებენ რუსეთის არმიის შეტევის შეკავებას დონეცკში, სლობოჟანსკში და ტავრიის ოპერატიული ტერიტორიების ნაწილებში, იცავენ ხარკოვს და ოხტირკას.
ამავე თემაზე:
კანადა უკრაინას 50 მლნ დოლარის იარაღს და სამხედრო აღჭურვილობას გაუგზავნის
