კანადის თავდაცვის მინისტრი, ანიტა ანანდი აცხადებს, რომ კანადა უკრაინას 50 მლნ დოლარის იარაღსა და სამხედრო აღჭურვილობას გაუგზავნის, მათ შორის, კანადურ კამერებს, რომლებიც სამხედრო დრონებისთვის გამოიყენება.
კანადის პრემიერ-მინისტრმა, ჯასტინ ტრუდომ, გუშინ, 9 მარტს, განაცხადა, რომ კანადა უკრაინას სამხედრო აღჭურვილობის კიდევ ერთ პარტიას გაუგზავნიდა.
გუშინ ტრუდო გერმანიაში, ბერლინში იმყოფებოდა. „დოიჩე ველეს“ ცნობით, ტრუდომ განაცხადა, რომ უკრაინას შეუძლია მოიგოს ომი რუსეთის წინააღმდეგ.
„პუტინმა ვერ შეაფასა უკრაინელი ხალხის წარმოუდგენელი გამბედაობა, ისევე როგორც მოკავშირეების სოლიდარობა,“ – მოჰყავს კანადის პრემიერ-მინისტრის ციტატა გამოცემას. ტრუდომ ასევე თქვა, რომ რუსეთის პრეზიდენტი წააგებს მაშინაც კი, თუ რუსული არმია შეძლებს უკრაინის ოკუპაციას, რადგან მკაცრი სანქციები უზარმაზარ ზიანს მიაყენებს რუსეთს.
