ცნობილი ავღანელი ქალი ბაჰარ ჯალილი, რომელიც ქალთა უფლებებზე მუშაობდა, სოციალურ ქსელ twitter-ის საკუთარ გვერდზე აქვეყნებს ქალების ტანისამოსს ჰეშთეგით – ეს არის ავღანეთის კულტურა.
ბაჰარ ჯალილიმ ეს აქცია მას შემდეგ წამოიწყო, რაც მსოფლიო მედიამ გამოაქვეყნა ავღანელი ქალების ფოტო უნივერსიტეტიდან. ამ ფოტოზე ქალები შემოსილნი არიან შავი სამოსით და სახეც დაფარული აქვთ.
#ავღანელიქალები #არშეეხოჩემსტანსაცმელს – #ავღანეთისკულტურა – ეს ჰეშთეგები ასობით ქალის ფოტოს აერთიანებს. ქალები პოსტავენ საკუთარ ფოტოებს, რომელზეც ტრადიციულ ავღანურ სამოსში არიან გამოწყობილები და ამ ფორმით აპროტესტებენ თალიბანის სურვილს, ქალები ბურკის ქვეშ მოაქციოს.
ავღანელი ქალები ტრადიციულ ავღანურ სამოსში
“მე და ჩემი ქმარი ამაყები ვართ იმით, რომ გვაცვია ტრადიციული ავღანური სამოსი ჩვენს ქორწილში,” – წერს ავღანელი სტუდენტი ქალი, რომელიც ახლა ამერიკაში ცხოვრობს.
his is what an afghan kids looks like. this is our culture. this is our traditional dress. we love lots of colour. even our rice is colourful and so is our flag.
Inspo
🇦🇫🇦🇫
share the beauty of #AfghanistanCulture. pic.twitter.com/KGbfw9rauy— Hela Shams هېله شمس (@4helashams) September 12, 2021
ავღანეთის ხელისუფლებაში თალიბანის მოსვლის შემდეგ ქალების უფლებები მნიშვნელოვნად შეიზღუდა. მაგალითად, 8 სექტემბერს თალიბებმა ქალებს, რომლებიც მშვიდობიან აქციას მართავდნენ, მათრახებითა და ხელკეტებით სცემეს.
ხელისუფლებაში მოსვლისას თალიბანმა თქვა, რომ “მხარს უჭერს ქალთა უფლებებს შარიათის ფარგლებში”. თუმცა, მას შემდეგ, დაჯგუფებამ ყველა დასაქმებულ ქალს, გარდა ჯანდაცვის სექტორის მუშაკებისა, მოუწოდა სახლებში დარჩენილიყვნენ, სანამ უსაფრთხოების კუთხით ვითარება გამოკეთდება.
ქალების მუშაობას თალიბანი ასევე უსაფრთხოების საბაბით ზღუდავდა 90-იან წლებში, როცა დაჯგუფება პირველად მოვიდა ავღანეთის ხელისუფლების სათავეში.
ნეტგაზეთი | თალიბებმა ქალ დემონსტრანტებს მათრახებითა და ხელკეტებით სცემეს ქაბულში (netgazeti.ge)
