10 ოქტომბრის მონაცემებით, გასული 24 საათის განმავლობაში აჭარაში 4 პაციენტი გარდაიცვალა კორონავირუსით.
65 წლის კაცი ბათუმის რესპუბლიკურ საავადმყოფოში შეიყვანეს 8 ოქტომბერს. „დიაგნოზი: COVID -19, პნევმონია დაუზუსტებელი, სუნთქვის მწვავე უკმარისობა. თანმხლები დაავადებები: თირკმლის უკმარისობა. კლინიკაში გატარდა ყველა შესაბამისი ღონისძიება, თუმცა მისი გადარჩენა ვერ მოხერხდა. პაციენტი გარდაიცვალა 9 ოქტომბერს“ – აღნიშნულია აჭარის ჯანდაცვის სამინისტროს მიერ გავრცელებულ ინფორმაციაში.
76 წლის ქალი რესპუბლიკურ საავადმყოფოში შეიყვანეს 29 სექტემბერს. „დიაგნოზი: COVID -19, პნევმონია, რესპირაციული დისტრეს სინდრომი. თანმხმლები დაავადებები: შაქრიანი დიაბეტი ტიპი 2, გულის ათერესკლეროზული დაავადება, გულის და თირკმლის მწვავე უკმარისობა, არტერიული ჰიპერტენზია“ – სამინისტროს ცნობით, პაციენტი გუშინ, 9 ოქტომბერს გარდაიცვალა.
80 წლის ქალი გარდაიცვალა გუშინ ასევე ბათუმის რესპუბლიკური საავადმყოფოში. სამინისტროს ცნობით, კოვიდთან ერთან მას ჰქონდა ორმხრივი პნევმონია და თანმხმლები დაავადებები: შაქრიანი დიაბეტი, აორტის სარქველის უკმარისობა, თირკმლის უკმარისობა და არტერიული ჰიპერტენზია.
ასევე, კორონავირუსით გარდაიცვალა ბათუმში 90 წლის ქალი. „დიაგნოზი: COVID -19, ორმხრივი პნევმონია, სუნთქვის უკმარისობა. თანმხმლები დაავადებები: თავის ტვინის შუა არტერიის სინდრომი, აორტის სარქველის სინდრომი“ – აღნიშნულია სამინისტროს მიერ გავრცელებულ ინფორმაციაში.
დღეს, 10 ოქტომბერს, ცნობილი გახდა, რომ საქართველოში გასული 24 საათის განმავლობაში 6 პაციენტი გარდაიცვალა.
