აჭარის საზოგადოებრივი ჯანდაცვის ცენტრის დირექტორმა რუსუდან შავიშვილმა დღეს, 10 სექტემბერს, ჟურნალისტებთან განაცხადა, რომ გაზრდილი მიმართვიანობის შედეგად გაიზარდა პასუხის მიღების დრო და ტესტირების შედეგი უკვე სამი დღის შემდეგ ხდება ცნობილი.
„თავდაპირველად, როცა დავიწყეთ ჩვენ გარე ტესტირებები, მაშინ პირს, რომელიც იკეთებდა ტესტს, ვეუბნებოდით, რომ ის 24 საათის განმავლობაში მიიღებდა პასუხს, მაგრამ გაიზარდა ტესტირებაზე მიმართვიანობა.
მართალია, გავზარდეთ ლაბორატორიული სიმძლავრეები, მაგრამ მაინც 24 საათი არ აღმოჩნდა საკმარისი პასუხის მისაღებად. ამიტომ ყველა იმ პირს, რომელიც მიემართება ტესტირებისთვის პოლიკლინიკებში, კარვებში, აქვს ვალდებულება, სამი დღის განმავლობაში გადავიდეს თვითიზოლაციაში და დაელოდოს ტესტირების პასუხს“, – განაცხადა რუსუდან შავიშვილმა.
ამჟამად აჭარაში უფასო ტესტირება მიმდინარეობს ქალაქის სხვადასხვა ადგილას გაშლილ კარვებსა და პოლიკლინიკებში.
____________
ფოტოზე: რუსუდან შავიშვილი
