ბათუმში გარემოსდაცვითი ზედამხედველობის დეპარტამენტის ერთ თანამშრომელს კოვიდ-19 დაუდასტურდა. ამის შესახებ დღეს 8 სექტემბერს აჭარის საზოგადოებრივი ჯანდაცვის ცენტრის ხელმძღვანელმა რუსუდან შავიშვილმა განაცხადა. ინფორმაციას გარემოს ზედამხედველობის სამსახურიც ადასტურებს.
ინფიცირებული პირი მოთავსებულია შესაბამის სტაციონარულ დაწესებულებაში.
დაავადებათა კონტროლის ეროვნული ცენტრის რეკომენდაციების შესაბამისად, თითოეულ თანამშრომელს უტარდება PCR ტესტი, ხოლო შენობაში სრული დეზინფექცია ტარდება.
PCR ტესტების პასუხების მიღების შემდგომ, დეპარტამენტის სტრუქტურული ერთეული მუშაობას განაგრძობს დაავადებათა კონტროლის ეროვნული ცენტრის მიერ განსაზღვრული პროტოკოლის შესაბამისად.
