აჭარის ჯანდაცვის სამინისტროს მონაცემებით, აჭარაში 35 პირის ანალიზის პასუხი COVID19-ზე უარყოფითია, მათ ახალი კორონავირუსი არ დაუდასტურდათ.
ასევე, სამინისტროს ინფორმაციით, დღეს, 4 მაისს, დღის ბოლომდე კლინიკა „მედალფას“ დატოვებს კორონავირუსისგან გამოჯანმრთელებული 2 ადამიანი.
4 მაისის [18:25 სთ] მონაცემებით, საქართველოში დადასტურებულია კორონავირუსის 593 შემთხვევა. მათ შორის გამოჯანმრთელდა 223 ადამიანი, გარდაიცვალა – 9.
ამჟამად კარანტინის რეჟიმში იმყოფება 5028 პირი, სტაციონარში მეთვალყურეობის ქვეშ – 537.
