„დღეს მიღებულ იქნა გადაწყვეტილება და საქართველოს მთავრობამ გაუგზავნა ოფიციალური მიმართვა საქართველს პრეზიდენტს საგანგებო მდგომარეობის 22 მაისის ჩათვლით გაგრძელების თაობაზე,“ – განაცხადა დღეს, 21 აპრილს, საქართველოს პრემიერ-მინისტრის, გიორგი გახარიას პრესსპიკერმა ირაკლი ჩიქოვანმა.
მისივე განცხადებით, საქართველო ახლა სრულმასშტაბიანი შიდა გავრცელების ეტაპზეა და შემდეგი 2-3 კვირის განმავლობაში ქვეყანა ვირუსის გავრცელების პიკურ ფაზაში იქნება.
„უნდა გავაგრძელოთ აუცილებელი ნაბიჯების გადადგმა, რომელიც ქვეყანას ვირუსის მასიურად გავრცელების შეჩერების შესაძლებლობას მისცემს, რათა ამ ფაზას მოვაყოლოთ ნაბიჯ-ნაბიჯ გახსნის ფაზა. ეს ფაზაც უნდა იყოს ეტაპობრივად დაგეგმილი.
27 აპრილიდან დაიწყება გარკვეული შეზღუდვების, მათ შორის, გადაადგილების შეზღუდვის მოხსნა,“ – განაცხადა ირაკლი ჩიქოვანმა.
________________________
