საპატრიარქოს საზოგადოებასთან ურთიერთობის სამსახურის უფროსის, დეკანოზ ანდრია ჯაღმაიძის თქმით, 6 სასულიერო პირი, რომლებიც მსახურობდნენ კორონავირუსით ინფიცირებულ მღვდელთან ერთად, არიან თვითიზოლაციაში.
„ბოლოს მამა გიორგიმ იმსახურა ხარების დღესასწაულზე ტაძარში, როგორც მან განაცხადა, ყველა იმ წესის დაცვით, რაც არის დისტაციასთან დაკავშირებული. საღამოს მერე მიმართა ექიმებს და ანალიზმა აჩვენა, რომ მას დაუდგინდა ვირუსი“.
ჯაღმაიძის ინფორმაციით, ინფიცირებულმა მღვდელმა მეორე დღესაც ჩაატარა მსახურება, მაგრამ ცარიელ ტაძარში.
„დეზინფექცია თუ ჯერ კიდევ არ არის ჩატარებული [ტაძარში], დეზინფექცია დღეს-ხვალ უნდა ჩატარდეს. შემდგომში სხვა მოძღვარი მსახურებას შეასრულებს და აღდგომის დღესასწაულზე იქნება იქ წირვა“, – უთხრა ახლახან ანდრია ჯაღმაიძემ ჟურნალისტებს.
მისივე ინფორმაციით, ასევე, თვითიზოლაციაშია საპატრიარქოს დაცვის ორი წევრი, ანუ ის პირები, ვინც ინფიცირებულ დაცვის წევრთან ერთად ასრულებდა მოვალეობას.
