ბოლო მონაცემებით, საქართველოში კორონავირუსის 30 დადასტურებული შემთხვევაა. კარანტინის რეჟიმში 439 პაციენტი იმყოფება, 64 კი სტაციონარში მეთვალყურეობის ქვეშ რჩება.
______________
ფოტოზე: ბათუმის ინფექციური საავადმყოფო
აჭარის ჯანდაცვის მინისტრის მოადგილის, ნინო ნიჟარაძის განცხადებით, დღეს, 15 მარტს, ბათუმის ინფექციურ საავადმყოფოში ოთხ პირს იკვლევენ კორონავირუსზე.
„მათ შორის ორი კარანტინის ზონიდანაა, ორი კი თვითდინებით შესული. კვლევები დღეს ჩატარდება და დაახლოებით სამ საათში გვეცოდინება პასუხი“ – განაცხადა ნინო ნიჟარაძემ.
ასევე, დღეს უნდა გახდეს ცნობილი საფრანგეთიდან ჩამოსული პირის ანალიზის პასუხი კორონავირუსზე, რომელიც ბათუმიდან თბილისში, ლუგარის ლაბორატორიაში გადაიგზავნა, რადგან ბათუმში აღებული ანალიზის შედეგი არ იძლეოდა ზუსტი პასუხის საშუალებას.
ამ დრომდე აჭარაში კორონავირუსის არც ერთი შემთხვევა არ დადასტურებულა.
