აჭარის ჯანდაცვის სამინისტროს ინფორმაციით, დღეს, 1-ელ მარტს საქართველოში შემოსული ერთი მოქალაქე ბათუმის ინფექციურ საავადმყოფოში გადაიყვანეს. მოქალაქე იტალიიდან შემოვიდა სარფის საბაჟოს გავლით. ის საკუთარი ავტომანქანით დაბრუნდა. საზოგადოებრივი ჯანდაცვის ცენტრის ხელმძღვანელის, რუსუდან შავიშვილის თქმით, მას არ აქვს კორონავირუსის არანაირი სიმპტომი, თავს გრძნობს კარგად, მაგრამ პრევენციის მიზნით მოათავსეს სამედიცინო დაწესებულებაში.
საქართველოში დღემდე სამ პირს დაუდასტურდა კორონავირუსი. ორი მათგანი ირანიდან დაბრუნდა, ხოლო ერთი იტალიიდან.
დაავადებათა კონტროლის ეროვნული ცენტრის ინფორმაციით, ამ დროისთვის 41 პირი რჩება ინფექციურ საავადმყოფოში, 117 პირი კი კარანტინშია.
თბილისის ინფექციური საავადმყოფოს დირექტორი თენგიზ ცერცვაძე ამბობს, რომ ის რელიგიურ საკითხებში ვერ ჩაერევა, თუმცა რეკომენდაციას ერთჯერადი კოვზით ზიარებას გაუწევდა.
____
https://netgazeti.ge/news/430749/
