ცოტნე გამსახურდია: ილია მეორე ლოცავს მას, ვისაც ძალა და ფული აქვს

ცოტნე გამსახურდია, პრეზიდენტ ზვიად გამსახურდიას შვილი, ყოფილი პატიმარი: 

„მრევლი ამბობს, პეტრე ცაავა მიშისტი და ახალაიების მეგობარი იყოო. და ახალაიებს რომ ყოველ წელს ლოცავდა საჯაროდ, და ერთერთს რაღაც ორდენიც ჩამოჰკიდა, ილია მეორე არ იყო? და მიშა სააკაშვილის დროს არ გაეზარდა ეკლესიას დაფინანსება? არ გადაეცა უამრავი ქონება და არ დაურიგდათ საჩუქრად მრავალათასიანი მაქანები?

პირადად მე რამდენჯერ ვთხოვე, ვეხვეწე, ვემუდარე – გვიშველე, უწმინდესო, ხომ ხედავ რა ხდება, ხმა ამოიღე-მეთქი… ორჯერ იყო ჩემთან მოსული ილია მეორე გლდანის ციხეში! მოშიმშილეს, უმძიმეს მდგომარეობაში მყოფს კიდევ მქონდა ილუზია, რომ ჯაბას და შევარდნაძის ძველი მეგობარი რამეს გააკეთებდა ადამიანებისთვის. საპასუხოდ – “ღმერთმა დალოცოს ბაჩო ახალაია” – ვიღებდით…