დღეს, 12 მაისს, ბათუმში, „ევროპის მოედანზე“, ახალგაზრდებმა საპროტესტო აქცია გამართეს. ისინი გუშინ თბილისში, ღამის კლუბებში სპეცრაზმელების შეჭრას და ახალგაზრდებზე ძალადობის ფაქტს აპროტესტებდნენ. აქცია ნახევარი საათის განმავლობაში მშვიდ ვითარებაში მიმდინარეობდა.
აქცია ბათუმში
აქციის დასასრულს მონაწილეებმა გადაწყვიტეს მემედ აბაშიძის გამზირის გავლით კოლონადებთან მისულიყვნენ.
ინციდენტი სწორედ ამ მსვლელობის დროს მოხდა. აქციის ერთ-ერთი მონაწილე – მარი ბეჟანიშვილი პოლიციის სიტყვიერი შეურაცხყოფისთვის დააკავეს.
აქციის მეორე მონაწილე გიორგი ბოლქვაძე იმ დროს დააკავეს, როდესაც ის პოლიციას განმარტებას სთხოვდა, თუ რატომ დააკავეს მარი ბეჟანიშვილი.
გიორგი ბოლქვაძის დაკავება
ამის შემდეგ აქციის კიდევ ერთი მონაწილე – კობა სურმანიძეც დააკავეს
სამი აქტივისტის დაკავების შემდეგ აქციის მონაწილეებმა ბათუმის ქუჩებში მსვლელობა მოაწყვეს. ისინი დაკავებულთა დაუყოვნებლივ გათავისუფლებას ითხოვდნენ.
აქცია ბათუმში
აქციის მონაწილეები დაკავებულების გათავისუფლების მოთხოვნით სუს-ის ადმინისტრაციულ შენობასთან მივიდნენ.
აქციის მონაწილეებმა გზად საყვირები შეიძინეს და მსვლელობა გააგრძელეს.
მოგვიანებით ცნობილი გახდა, რომ პოლიციამ დაკავებულები გაათავისუფლა.
მას შემდეგ, რაც დაკავებულები გაათავისუფლეს, აქციის მონაწილეებმა ევროპის მოედანზე დაბრუნება გადაწყვიტეს.
მსვლელობა ბათუმის ქუჩებში
აქციის მონაწილეებს მთელი მსვლელობის დროს პოლიცია მიაცილებდა
„სიჩუმე დანაშაულია“ – იძახდნენ საპროტესტო აქციის მონაწილეები. ასევე ისმოდა შეძახილები: „ძირს მოძალადე პოლიცია“.
აქცია ევროპის მოედანზე დასრულდა.
