ბათუმი-ხულო-ახალციხის ცენტრალური გზის გაწმენდითი სამუშაოები დასრულების ეტაპზეა. ხულოდან გოდერძის უღელტეხილამდე დღეს მოძრაობა აღდგა. ხვალ დღის ბოლომდე გაიხსნება ასევე ახალციხესთან დამაკავშირებელი გზაც, რომელიც ზამთარში თოვლის საფარის გამო იკეტება.
კურორტზე თოვლის საფარი გვიან გაზაფხულამდე ნარჩუნდება. აპრილის შუა რიცხვებში ჩაკეტილი გზების გაწმენდის სამუშაოები ტარდება და ავტომობილით გადაადგილება შესაძლებელი ხდება.
ხულოს მერის ინფორმაციით, მომდევნო ეტაპზე გზის მოწესრიგებისა და ახალი საფარის დაგების სამუშაოები კურორტ ბეშუმის მიმართულებით დაიწყება.
