შუახევის მუნიციპალიტეტის საკრებულომ მეორე რანგის საჯარო მოხელის თანამდებობაზე კონკურსი გამოაცხადა. კონკურსი იურიდიული და საკადრო საკითხთა განყოფილების უფროსის პოზიციაზეა გამოცხადებული.
ვაკანტურ პოზიციაზე სახელფასო სარგო 810 ლარია, საკონკურსო მოთხოვნებით, კონკურსში მონაწილეობა შეუძლიათ იმ კონკურსანტებს, რომლებსაც უმაღლესი განათლება აქვთ მიღებული იურიდიული მიმართულებით და აქვთ მუშაობის ორწლიანი გამოცდელება.
შუახევის საკრებულოს მიერ გამოცხადებულ კონკურსში მონაწილეობის მისაღებად დაინტერესებული პირები საჯარო სამსახურის ბიუროს ოფიციალურ ვებგვერდზე: hg.gov.ge-ზე 13 დეკემბრამდე უნდა დარეგისტრირდნენ.
კონკურსი სამ ეტაპად ჩატარდება. კონკურსის პირველი ეტაპი საბუთების გადარჩევა, მეორე – წერითი დავალება და ბოლო, მესამე ეტაპი გასაუბრებაა.
