შუახევში, საყარაულოს ტყეში ხანძარია

შუბნის თემის ადმინისტრაციული ერთეულის სოფელ დარჩიძეების საყარაულოს ტყეში ხანძარია – ინფორმაციას ხანძრის შესახებ შუახევის მინიციპალიტეტის გამგეობა ავრცელებს ფეისბუქზე.

გამგეობის ცნობით, ხანძარი სოფელ დარჩიძეებთან 6 კილომეტრშია და მოსახლეობას ამ დროისათვის საფრთხე არ ემუქრება.

ხანძრის ჩასაქრობად ბათუმიდან გასულია მეხანძრე-მაშველების ჯგუფი. ხანძრის მასშტაბები ჯერჯერობით უცნობია.

შუახევის გამგეობის ცნობით, ადგილზე სატყეო სააგენტოს თანამშრომლები მიემართებიან და მობილიზებულია ადგილობრივი მოსახლეობაც.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.