შავნაბადაზე ხანძარს ვერტმფრენით აკონტროლებენ

სამაშველო სამსახურის ინფორმაციით, ხულოში, მთა შავნაბადაზე, საჰაერო ნავიგაციის ვერტმფრენი ხანძრის სალიკვიდაციო სამუშაოებში ჩაერთვება.

ოფიციალური ინფორმაციით, პირველ ეტაპზე ვერტმფრენი მონიტორინგს განახორციელებს. მონიტორინგის პარალელურად კი ვერტმფრენიდან მეხანძრე-მაშველებს სასმელ წყალსა და საჭირო ინვენტარს მიაწვდიან.

აჭარის მთავრობის ინფორმაციით კი, მონიტორინგის განახორციელების შემდეგ მოხდება ანალიზი და დაიდება დასკვნა, საჭიროა თუ არა ხანძრის ჩასაქრობად სხვა ვერტმფრენების ჩართვა.

ნეტგაზეთის მასალების სხვა გამოცემებში გადაბეჭდვის წესი
ავტორი