ტურისტები მახუნცეთის ჩანჩქერთან [ფოტორეპორტაჟი]

მაღალმთიან აჭარაში გასულ წელს ყველაზე მეტი ვიზიტორი, ტურიზმის სააგენტოს სტატისტიკიური მონაცემებით, მახუნცეთს ეწვია. ქედის მუნიციპალიტეტის სოფელ მახუნცეთში მნახველებს ძირითადად, თამარის თაღოვანი ხიდი და ჩანჩქერი იზიდავს.

მას შემდეგ, რაც მახუნცეთში ტურისტების რაოდენობამ იმატა, ადგილობრივებმა აქ კაფე-ბარები გახსნეს; მიმდინარეობს ტურისტული ინფრასტრუქტურის მოწყობა; აშენდება საზაფხულო თეატრიც; მახუნცეთში სასტუმროს კი უკრაინელი ინვესტორი აშენებს.

მახუნცეთში ტურისტები, ძირითადად, ტურისტულ კომპანიებს ავტობუსებით აჰყავთ. როგორც აქ ამბობენ, ტურისტების სიმრავლე დილის 10-საათიდან 3 საათამდეა.

ეკა ბარამიძის ფოტორეპორტაჟი მახუნცეთიდან:

მახუნცეთის ჩანჩქერი

მახუნცეთის ჩანჩქერი / 5.04.2017 / ეკა ბარამიძის ფოტოები /

მახუნცეთი

ფილიპინელი ჰილდა ნამური და პრისტი ბაროვაპო მახუნცეთის ჩანჩქერთან

მახუნცეთი

მუხამედ არჯემალი და მისი ცოლი – ჰედა ალმეპერიე, საუდის არაბეთიდან. „ბათუმში სამი დღის წინ ჩამოვედით, მანადმე სამი დღით თბილისში ვიყავით, დღეს მახუნცეთიც ვნახეთ, გვირჩიეს გვენახა… განსაკუთრებით ლამაზი ბუნება გაქვთ,“ – ამბობს მუხამედი.

მახუნცეთი

ტურისტები რუსეთიდან: ვენედიქტ დადიკინი, მეუღლესთან და შვილთან ერთად. ვენედიქტი პროფესიით ჟურნალისტია, ერთ-ერთ რუსულ ბეჭდურ გამოცემაში მუშაობს და უნივერსიტეტშიც ასწავლის. ამბობს, რომ რუსეთში დაბრუნების შემდეგ, პუბლიკაციის გამოქვეყნებას გეგმავს საქართველოზე.

მახუნცეთი

სულეიმან ოსტუკი თურქეთიდანაა, ის 5 წელია ბათუმში, ერთ-ერთ სამშენებლო კომპანიაში მუშაობს.

მახუნცეთი

ვიზიტორები საუდის არაბეთიდან.

მახუნცეთი

მახუნცეთი, ჩანჩქერის ტერიტორიაზე შესასვლელი.

მახუნცეთი

ადგილობრივები თამარის ხიდთან მისასვლელ გზაზე თაფლსა და ტკბილეულს – მურაბებს, ჯემებს, ტყლაპს, ჩირსა და ჩურჩხელას ყიდიან. აქ შეიძენთ საწებელსა და აჯიკასაც. 150-200 გრამამდე დაფასოებული მურაბა 3 ლარი, 300-480-გრამიანი ქილით თაფლი კი 10 ლარი ღირს.

მახუნცეთი

მახუნცეთიის ჩანჩქერთან გასაყიდად გამოტანილი პროდუქციის დასახელება და ფასი რამდენიმე ენაზე დაწერილი, მათ შორის არაბულად.

მახუნცეთი

მახუნცეთი, კაფე-ბარი მდინარე აჭარისწყლის ნაპირთან

ბათუმი-ახალციხის ცენტრალურ საავტომობილო გზის მიმდებარედ, საკუთარი სახლის ეზოში კაფე-ბარი ასლან ფარტენაძეს აქვს გახსნილი. აქ ერთი ფინჯანი ყავა, ასევე ჩაი 1 ლარი ღირს.

ბათუმი-ახალციხის ცენტრალურ საავტომობილო გზის მიმდებარედ, საკუთარი სახლის ეზოში, კაფე-ბარი ასლან ფარტენაძეს აქვს გახსნილი. აქ ერთი ფინჯანი ყავა, ასევე ჩაი, 1 ლარი ღირს.

მახუნცეთი

ტივი მდინარე აჭარისწყალზე, რომლითაც ტურისტებს ემსახურებიან / მახუნცეთი.

მახუნცეთი

მახუნცეთი, თამარის ხიდი.

მახუნცეთი

ინფრასტრუქტურული სამუშაოები მახუნცეთში.

მახუნცეთი

მახუნცეთში მშენებარე სასტუმრო, რომელსაც უკრაინელი ინვესტორი აშენებს.

მახუნცეთი

მახუნცეთი, თაღოვანი ხიდი.


რას ნახავენ ტურისტები მაღალმთიან აჭარაში

 

ნეტგაზეთის მასალების სხვა გამოცემებში გადაბეჭდვის წესი
ავტორი