Screen shot 2017-03-18 at 3.01.11 AM

ეკომიგრანტების სახლი შეჭრილებმა დატოვეს

ბათუმში მდებარე ეკომიგრანტთა სახლში თვითნებურად შესულმა მოქალაქეებმა შენობა დატოვეს. მათი უმრავლესობა შუახევის მუნიციპალიტეტის სოფელ ბუთურაულიდანაა. მოქალაქეები ამბობენ, რომ სოფელი მეწყრული პროცესების გამო დატოვეს.

აჭარის ჯანდაცვის მინისტრის მოადგილის, რამაზ ჯინჭარაძის თქმით, მოქალაქეები სოფელში, ბუთურაულში დაბრუნდნენ: „ორშაბათს, 20 მარტს, სოფელში გეოლოგების ჯგუფი ავა და მდგომარეობას შეისწავლის. თუ დადასტურდება მეწყრული პროცესები, მოქალაქეები ჩაერთვებიან ეკომიგრანტთა დახმარების პროექტში“.

შენობაში თვითნებურად შესულ მოქალაქეებს შორის იყვნენ ბათუმში მაცხოვრებლებიც, რომელთა განცხადებითაც, ისინი ვერ ახერხებენ ბინის ქირის გადახდას. მათთან მოლაპარაკებას ბათუმის მერია აწარმოებს.

ეკომიგრანტთა სახლის თეთრი კარკასი, სადაც მოქალაქეები თვითნებურად შევიდნენ, თამარის დასახლებაში მდებარეობს.

ამავე თემაზე: 

ბათუმში ეკომიგრანტებისთვის აგებულ სახლში 60-მდე ოჯახი შეიჭრა

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ტელ: [0422] 27 45 12 ელფოსტა: kvachadze.n@gmail.com