ორი საჩივარი საოლქო კომისიაში – ხულოში დღეს მერს ირჩევენ


ხულოს საოლქო საარჩევნო კომისიაში ორი საჩივარი შევიდა [09:40 საათისთვის]. პირველი ეხებოდა მეხუთე უბანში ცესკოს წარმომადგენლის მითითებებს – საჩივრის ავტორმა მიიჩნია, რომ ცესკოს წარმომადგენელი ჩაერია კომისიის მუშაობაში, რისი უფლებაც არ ჰქონდა.

საჩივარი დაიწერა ასევე ხულოს 54-ე უბანშიც, სადაც გადაღების უფლება შეუწყვიტეს დამკვირვებელს.

ორივე შემთხვევაში საჩივარი „ნაციონალური მოძრაობის“ წარმომადგენელმა დაწერა. ხულოს საოლქო კომისიის თავმჯდომარის, ნოდარ მელაძის თქმით, „ორივე პრობლემა უკვე აღმოფხვრილია“.

დღეს, 19 მაისს ხულოში, მერს ირჩევენ. ხულოს მერობისთვის 14 კანდიდატი იბრძვის.

ამომრჩეველთა აქტივობა ხულოში დილიდანვე მაღალია.

ხულოში არჩევნები მას შემდეგ დაინიშნა, რაც პირდაპირი წესით არჩეული მერი გოჩა მელაძე 2018 წლის 17 ოქტომბერს თანამდებობიდან გადადგა.

საოლქო კომისია: ხულოში 54-ვე საარჩევნო უბანი გახსნილია

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com