წელს აჭარაში 100 წელი 9 ქალს შეუსრულდა

ქობულეთის მუნიციპალიტეტში, სოფელ ლეღვაში მცხოვრები ფატი მანელიშვილი დღეს 100 წლის გახდა და დაბადების დღე მას აჭარის ჯანდაცვის მინიტრმა და ქობულეთის მერმა მიულოცეს და 1000 ლარი გადასცეს პროგრამის – „100 წელს გადაცილებულ მოქალაქეთა ერთჯერადი მატერიალური დახმარება“ ფარგლებში.

ფოტო: აჭარის ჯანდაცვის სამინისტრო

აჭარის ჯანდაცვის სამინისტროს ცნობით, ფატი მანელიშვილი ყოფილი მასწავლებელია. იგი 50 წლის განმავლობაში ასწავლიდა ქიმიასა და ბიოლოგიას.

ამჟამად აჭარაში 100 წლისა და 100 წელს გადაცილებული 36 მოქალაქე ცხოვრობს. ყველა მათგანი ქალია.

წელს აჭარაში 100 წელი 9 მოქალაქეს შეუსრულდა.

„100 წელს გადაცილებულ მოქალაქეთა ერთჯერადი მატერიალური დახმარების“ პროგრამას სამინისტრო 2004 წლიდან ახორციელებს.

ნეტგაზეთის მასალების სხვა გამოცემებში გადაბეჭდვის წესი


ავტორი
გაზეთი "ბათუმელები" გამოდის 2001 წლიდან.