ბათუმში ახალგაზრდები ხელისუფლების ნარკოპოლიტიკას აპროტესტებენ

ამ წუთებში ბათუმში, „ევროპის მოედანზე“ ახალგაზრდების საპროტესტო აქცია იმართება. ისინი გუშინ, თბილისში, ღამის კლუბ „ბასიანში“ სპეცრაზმელების შეჭრას და ახალგაზრდებზე ძალადობის ფაქტს აპროტესტებენ.

აქციის მონაწილეები გმობენ, პოლიციის მხრიდან მოქალაქეებზე ძალადობის ფაქტებს და აცხადებენ, რომ ეს ნიშნავს მოქალაქეების წინააღმდეგ ბრძოლას.

„ვგმობთ გუშინდელ ფაქტს, ის რაც მოხდა „ბასიანში“ ვთვლოთ, რომ ამით გამოგვიცხადეს ბრძოლა და ომს ომით პასუხობენ ხოლმე“ – ამბობს  მარიამ ბეჟანიშვილი.

„ევროპის მოედანზე“ ახალგაზრდებმა ხელისუფლების ნარკოპოლიტიკა გააპროტესტეს.
ფოტო: მანანა ქველიაშვილი

საპროტესტო აქციის კიდევ ერთი მონაწილე ანა ნინიძე ამბობს, რომ  პოლიცია უნდა ებრძოლოს ნარკორეალიზატორებს, მაგრამ არა ამ ფორმით. „არა ახალგაზრდების  დარბევით, იმიტომ, რომ ჩვენ ახალგაზრდებს ისედაც არაფერი გვაქვს გართობისთვის და ამ ფორმით ისინი გართობის საშუალებასაც გვართმევენ“-ამბობს ის.

საპროტესტო აქცია „ევროპის მოედანზე“

„ევროპის მოედანთან“  პოლიციაა მობილიზებული.

პოლიციელები საპროტესტო აქციაზე

პოლიცია საპროტესტო აქციაზე

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com