Tag Archives: დაშავება

ბათუმში დაახლოებით 35 წლამდე კაცს მეხი დაეცა. მეხის დაცემის შედეგად, კაცმა სხეულის ნაწილობრივი დამწვრობა მიიღო. დაშავებული პირი ბათუმის რესპუბლიკურ საავადმყოფოში გადაიყვანეს. როგორც კლინიკაში „ბათუმელებს“ უთხრეს, კაცის მდგომარეობა ამ დროისთვის სტაბილურია და მის სიცოცხლეს საფრთხე არ ემუქრება. „აქვს დამწვრობები, მაგრამ ამ დროისთვის მისი მდგომარეობა სტაბილურია და გადის მკურნალობას“, – თქვეს კლინიკაში. შემთხვევა გუშინ, 11 სექტემბერს, საღამოს …

Continue reading “სტაბილურია კაცის მდგომარეობა, რომელსაც ბათუმში მეხი დაეცა”

დღეს, 2 ივლისს, ბათუმში 80 წლამდე ასაკის ქალს მატარებელი დაეჯახა. სასწრაფო დახმარების სამსახურის ინფორმაციით, დაშავებული ქალი კლინიკა „მედცენტრში“ გადაიყვანეს. „მედცენტრის“ ინფორმაციით დაშავებული ქალის მდგომარეობა კლინიკაში შეყვანის დროს მძიმე იყო, იგი გარდაიცვალა. შემთხვევა დაახლოებით 15:00 საათზე მოხდა.

ბათუმში, ხიმშიაშვილის ქუჩაზე, ახალ ბულვართან, მაღალსართულიან კორპუსში აივანი ჩამოიგრა. არიან დაშავებულები. „ორი ადამიანი დაშავდა, რომლებიც გადაყვანილნი არიან ბათუმის რეფერალურ საავადმყოფოში“, – გვითხრეს სასწრაფო სამედიცინო დახმარების სამსახურში. ადგილზე იმყოფება სამაშველო სამსახურის ჯგუფი და პოლიცია.

ბათუმში, ტბელ აბუსერიძის ქუჩაზე სარეაბილიტაციო სამუშაოების დროს ორი მუშა მძიმედ დაშავდა. ისინი რკინის კონსტრუქციის ქვეშ მოჰყვნენ. სასწრაფო-სამედიცინო სამსახურის ინფორმაციით, ერთ მუშას ფეხი აქვს მოწყვეტილი, მეორემ კი, სხეულის მძიმე დაზიანება მიიღო. დაშავებულები სხვადასხვა კლინიკაში გადაიყვანეს. აბუსერიძის ქუჩაზე  ბათუმის მერიის დაკვეთით წყალანირების ახალი სისტემის მოწყობის სამუშაოების მიმდინარეობს.

2019 წლის 16 ივლისის ჩათვლით მშენებლობებზე 12 ადამიანი დაიღუპა და 16 დაშავდა. საჯარო ინფორმაცია სამშენებლო ობიექტებზე მომხდარი უბედური შემთხვევების შესახებ ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტრომ მოგვაწოდა. მშენებლობაზე დაღუპვის  ბოლო შემთხვევა თბილისში 16 ივლისს მოხდა – დაიღუპა 16 წლის ბიჭი. მშენებლობებზე დაღუპვის ყველა შემთხვევა თბილისში მოხდა, დაშავების 4 ფაქტი კახეთში დაფიქსირდა, 1 – …

Continue reading “ბოლო ექვს თვეში მშენებლობაზე დაიღუპა 12 მუშა და დაშავდა 16”

საგანგებო სიტუაციების მართვის სამსახურის ინფორმაციით, ხელვაჩაურის მუნიციპალიტეტში მშენებარე სახლის ჩამოშლის შედეგად 4 მუშა დაშავდა. მათივე ინფორმაციით, ოთხივე დაშავებული მუშა გადაყვანილია საავადმყოფოში. „დაშავებულების სიცოცხლეს საფრთხე არ ემუქრება“-ნათქვამია სამსახურის განცხადებაში. შს სამინისტროს ინფორმაციით გამოძიება მიმდინარეოპბს სსკ-ის 240 მუხლით, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.  

ავთანდილ ქათამაძის სარჩელს საკონსტიტუციო სასამართლოს მეორე კოლეგია განიხილავს. ქათამაძე ფეროშენადნობთა ქარხანაში 1984 წელს მძიმედ დაშავდა და 2007 წლამდე სახელმწიფოსგან ყოველთვიურ სარჩოს იღებდა. მოსარჩელე იმ სამართლებრივი აქტების ანტიკონსტიტუციურად ცნობას მოითხოვს, რომლის მიხედვითაც სახელმწიფო ყოველთვიურ სარჩოს უნიშნავს სამსახურებრივი მოვალეობის შესრულების დროს დაშავებულ ადამიანს, თუკი საწარმოს წილის 100 პროცენტი სახელმწიფოს ეკუთვნის. ზესტაფონის ფეროშენადნობთა ქარხანა 1996 წლიდან სააქციო საზოგადოებად ჩამოყალიბდა და …

Continue reading “„ფეროს“ ყოფილი თანამშრომელი სარჩოს გარეშე”