20 მაისს ბათუმის უნივერსიტეტში შეჯიბრება დარსტში ჩატარდა, სადაც აჭარაში არსებული ხუთი უნივერსიტეტის გუნდები მონაწილეობდნენ. გამარჯვება გრიგოლ რობაქიძის სახელობის უნივერსიტეტმა მოიპოვა.
,,სტუდენტური დღეები აჭარა 2015“-ის ფარგლებში 22 მაისს სტუდენტები ერთმანეთს ბოულინგში შეეჯიბრებიან.
სტუდენტური დღეების დასკვნითი ღონისძიება 23 მაისს ბათუმის საზაფხულო თეატრში გაიმართება, სადაც დასახელდება „მის სტუდენტი“, იქნება მუსიკალური ნომრები და მხიარულთა და საზრიანთა გუნდების შეჯიბრება.
აჭარის სპორტისა და ახალგაზრდობის საქმეთა დეპარტამენტის ინფორმაციით, გამოვლინდებიან როგორც ინდივიდუალურ, ასევე გუნდურ ნომინაციებში გამარჯვებული სტუდენტები, რომლებიც დაჯილდოვდებიან სიგელებით, ფასიანი საჩუქრებითა და ორიგინალური ნომრის ნომინაციისთვის შესაბამისი სპეციალურად დაწესებული პრიზებით.
